GURASO ELKARTEAREN BILERA (2012-11-20):

Partaideak:  MªJose Izagirre, Jexux Loidi, Juana Dávila, Elena Alustiza, Jaione Olano, Tere Vara, Irma

Tobar, Pilar Palomares, Agurtzane Arsuaga, Nekane Mujika, Iñaki Iturbe, Leire Tello, Larraitz Rodri-

guez  eta Feli Mujika.

Guraso Elkarteak , AZAROAREN 20an egindako bileran jorratu zituen gaiak honako hauek izan ziren:

A. ESKOLA KONTSEILUAREN IRAUNKORRETIK SORTUTAKO GAIAK:

1.    IGEren POSTA BANDEJA.

Ikasleen Guraso Elkartearentzat eskolara iristen den posta, bulegoko bandeja batean uzten digute, baita iraunkorreko aktak ere.
Eskolari (Jokini) jakinarazi zaio zein izango den Guraso Elkarteko postaz arduratuko den  pertsona (Agurtzane) eta bulegoko giltza berak gordeko du. 

2.    BILERA ORDUTEGIA:

IGEren zuzendaritza batzordea asteartean biltzen denean, iraunkorra astelehenean bilduko da.

IGEko bilera eguna aldatzeko aukerak aztertu ditugu baina asteartea oraingoz egun egokiena da denentzat eta momentuz mantenduko da.  

3.    ORDENADORE BERRIAK.

Ordenagailu gela galtzearen ondorioz, Hezkuntza Sailak 14 ordenagailu mugikorrez osatutako armairu bat bidali du eskolara, wifi eta guzti. Ordenadoreak sarean sartzen dituztenean, armairua gelaz gela eraman ahal izango dute.
Ordenagailu horiek oraindik ez daude erabilgarri, informatikoak etortzea falta da martxan jartzeko. Beranduago erabakiko da, matrikula kopuru berrien arabera (otsailean), ordenagailu gehiago eskatu beharko ote den.

4. ESKOLA KIROLETAKO BATZORDEA:

Joan den asteko asteazkenean, urriak 14, eskola kiroleko batzordea elkartu zen. Bertan, IGEren iazko ordezkariak eta Monika koordinatzaileak hilabetez hilabete egin beharreko lanen kronograma azaldu zieten IGEko ordezkari berriei.. Partiduak hasi dira eta baita lehen kuotak ere pasa dira.
Bilera horretan aipatu da, Guraso Elkarteak erabaki beharko duela eskolako haurrek kirol elkarte pribatuetan izena emateko, aurrez eskola-kirolean izena emanda (fitxa beteta) egon behar dutela  ala  ez dela beharrezkoa eskola-kirolean alta emanda egotea. Ez dugu informazio gehiegirik eta beste batetarako sakontzeko utzi dugu.

 5. IGE-ren KUOTA NOIZ PASA:

IGEren  kuota, 30 eurokoa, abenduaren 1ean kobratuko da.

6. ELKARBIZITZAREN BEHATOKIA:

Hiruzpalau bilera egingo ditu ikasturtean. Lehen bilera abenduaren 10ean egitea proposatzen du Asunek eskolatik. Parte hartuko duten gurasoak zehaztu behar dira.
Elkarbizitza bilera, eguerdiko 14:30-16:00 bitartean izango da. Guraso boluntarioak behar dira, 2 edo 3 guraso. Aipatu ditugu orainarte elkarbizitza bileretara joan ohi diren gurasoak zein diren,  eta bileran honetan dagoen horietako batek,  besteei abisatzeko eta erantzuna eskolari (Asuni ) emateko geratu da.

B. GURASO ELKARTETIK SORTUTAKO GAIAK:

1.    IGE-IKASLEEN GURASO ELKARTEARI BURUZ INFORMAZIOA ZABALTZEA:

IGE-Ikasleen Guraso Elkartearen kuota  kurtso hasieran kobratzen zaie familiei eta diru hori zertarako den, hau da, zer egiten den ezjakintasun haundia dagoela gurasoen artean,  komentatu dugu. Aurreko bileretan ere hutsune horretaz jabetuta, orri informatibo bat egiteko eta matrikulazio berrien  garaian gurasoei zabaltzeko geratu ginen. Beraz, orri informatibo bat egingo dugu Guraso Elkartearen xehetasun guztiak jasotzen dituena,  eta matrikula berrien kanpaina irekitzen denean eskola bitartez gurasoei zabalduko zaie.

2.    ESKOLA- KIROLA / INTXURRE FUTBOL TALDEA.

Aurtengo kurtsoan,  LH 6. mailako mutikoek  Intxurre futbol taldean izena eman dute eta eskola-kirolean, aldiz, ez dira apuntatu. Intxurre futbol taldeak entrenamendua eskeintzen die eta ezin dute partiduak jokatu. Asegurorik gabe daude. Gurasoek badakite.

Jokaera horrekin ikusten da Eskola-kirolean arazoak sortu daitezkeela, hau da,  III Zikloko LH 5.

eta 6. mailako mutikoen taldeak desagertzea.  Beraz, hurrengo kurtsorako gai hau berriro sakondu

beharko da eta neurri egokiak hartu.

 

3.    ABENDUAK 3, EUSKARA EGUNA:

Aurten ere, Guraso Elkarteak gaztaina erreak eskolako haurrentzako eskeiniko ditu. Guztia lotuta

dago.  Gaztaina erretzen dutenak (Joxe Luis eta Lukax)  abisatuta daude. 15:30etan banatzen

hasteko asmoa dute, beraz, 15:00etarako Guraso Elkarteko bolondresak eskolan geratuko dira

Materiala:  bi mahai txiki (eskolako liburutegitik hartuko dira) , kajak eta egunkari orriak.

Joxe Luis eta Lukaxentzako opariak (gazta eta ardoa) guraso kide batek erosiko ditu.

4.    GABON KANTAK:

Gai hau datorren bileran zehaztuko da, baina iazko gertakizun batzuk aipatu eta hobetzeko proposamenak luzatu dira: Musika akustika hobetzeko soinujole gehiago jartzea;  haurrak eta gurasoak soinujoleengandik ez banantzeko eta  haurrak kantaldian amaitu bitartean taldean jarraitu behar dutela gurasoak ohartarazteko notaren bat bidaltzea.
Traktorea eta karro-estalpea. Iaz bezala aurten ere eskatuko ditugu
Guraso kide batek Iñakiri (Loatzo) galdetuko dio ikasleak aurten ere eskolatik aterako al diren musika jotzera.

5.    EUSKARA BATZORDEA:

Irmak eta Larraitzek, Euskara batzordeko arduradunak, Udaleko Euskara Batzordean parte hartu dute eta honako informazioa ekarri digute: Lehengo ikasturtearen bukaeraldera, Udal Euskara Batzordeak eskatu zion Guraso Elkarteari bertako kide bat beraien bileretara joatea aberasgarria izango zela.  Irma-Larraitz biak egondako bileran, honako hauek azaldu dituzte:
·   Euskara Elkarte bat osatzeko asmoa dago.
·   Diagnostikoa, euskara maila nola dagoen herrian. Erabilera, gero eta gutxiago. Goitik behera dihoala. Herri mailan kezka handia dago.
·   Euskara egunarekin lotuta, hitzaldi bat, kafe-tertulia… antolatu dituzte.
·  Aldizkari bat osatu nahi dute. Urteko 3 ale aterako dituzte. Urtarrilaren bukaeran lehenenegoa. Izena zehazteko dago, agian prezio txiki bat izango du, oraindik ez dakite. Elkarte desberdinak bertan parte hartzeko aukera izango dute eta Guraso Elkarteak ere bere ekarpenak egiteko atal bat izango du. Oso interesgarria iruditu zaigu aukera hau gure berriak eta informazioa zabaltzeko, beraz, hasiera batean Irma, Euskara Batzordeko kidea, izango da idatziko duena, eta gainontzeko gurasoen ekarpenak ere kontutan izango ditu.  Beste atalak: bertso eskola, elkarrizketa, pelota elkartea, bukaeran errezetak,  musika gaiak eta denborapasak, kruzigramak, horoskopoak… literaturaren txokoa…  
·    EMUN web orrialdea euskara inguruan informazioa ematen duena.
Eskolan ere, Hizkuntz normalkuntzarako bi irakasleekin bilera egin dute.  Pribilejiatuak garela baina kalean guraso pilo bat erderaz hitz egiten dute eta umeen artean ere. Harremanak eta ohiturak hartzen dituzte.
Programa desberdinak daude:
-Uribarri programa: Euskara bultzatzeko eta indartzeko programa. Alegiako eskola aspaldian dago sartuta.
-Etorkinentzako IPI harrera programa. Ikastetxean etorkin bat etortzen denean Irakasle bat dago (IPI) apoio edo errefortzu moduan. Lanaldi erdirako. Bi urterako.
-Nowgela proiektua. Kantagintzan, bertsolaritzan eta irratsaioan. Diru-laguntzak jasotzen dute. Extraeskolarra bezala,  bertsolaritza eguerdian.
-Ikastetxe mailan. Tabloian euskara txoko bat dago: euskara akatsak, albisteak, esaera zaharrak… Euskara egunean euskaraokea, herri-kirolak, lehiaketa bat egingo da.

6.    ESPAZIO FALTAREN AURREAN ZER EGIN:

ü  Proposamenak pentsatu eta azaldu behar ditugu.
ü  Gobernu aldaketa gertatu da eta  ikusi egin behar gobernu berriak zer dioen?
ü  Matrikulazioak (31 haur) baina benetan  zenbat etorriko diren ikusi egin behar da.
ü  Iraunkorrekoak Jokini galdetzeko geratu dira:  asuntoa bideratzeko legea nola dagoen.
ü  Proposamena: Aterpearen zati bat ixtea, horma prefabrikatuen bitartez eta gela berriak sortu. Eta etorkizunean, eraikuntza berria eskatuko litzateke.  

 

HURRENGO BILERA:  ABENDUAK  11 (ASTEARTEA), 18:00etan.

GURASO ELKARTEKO BILERA (2012-10-22)

GURASO ELKARTEKO BILERA (2012-10-22)

Partaideak:  Regina Sorarrain, Tere Vara, Agurtzane Arsuaga,  Irma Tobar, Ioseba Karrera, Elena Alustiza, Ana Jauregi, Maider Zabala,  Eider Amundarain eta Feli Mujika.

Izendatu berri diren guraso partaide berriak:  Mª Jose Izagirre, Jaione Olano, Nekane Mujika, Juana Mª Davila, Iñaki Iturbe, Pilar Palomares, Leire Tello eta Larraitz Rodriguez/Xabier Maiza.

Guraso Elkarteak , URRIAREN 22an egindako bileran jorratu zituen gaiak honako hauek izan ziren:

A.   ESKOLA KONTSEILUAREN IRAUNKORRETIK SORTUTAKO GAIAK:

1.    IGE –GURASO ELKARTEA ETA  eta ORDEZKARITZA ORGANO GORENERAKO HAUTESKUNDEAK 2012-2013:

Emaitzak argitaratuta geratu dira eskolako sarreran. Ondo joan da prozesua. Orain arte, hautatuak ez dira eskolara galderarik egitera azaldu.

Eskolak, gaurko IGEko zuzendaritza batzordearen bilerara kide zahar eta berriak  deitu ditu. Eta kide berrietatik den denak etorri dira.

2.    ORDEZKARITZA ORGANO GORENAREN  BILERA ERATZAILEA:

Hauteskunde egutegiak zehazten du Ordezkaritza Organo Gorenaren bilera eratzailea azaroaren 5etik 9ra bitartean egin behar dela. Ondorioz, azaroaren 8an, 17:00etarako bilera deialdiaren proposamena luzatu dute eskolatik.

GAI ZERRENDA zehazteko dago, baina hurrengo hauek landuko dira:

·         Aurkezpena. Ordezkaritza Organo Goranaren eraketa.

·         2012-2013 Ikasturteko Plana.

·         2013-2014 ikasturteko espazio gabeziak.

·         E-Diagnostikoa.

3.    2013-2014 IKASTURTEAREN BEHARRAK AURREIKUSTEN:

2013-2014 ikasturterako HH 2 urteko gelarako beste bi talde aurreikusten dira izango direla, beraz, daudenekin 14 ikastalde izan daitezke eskolan. Une honetan, erabilera anitzerako gela bakarra geratzen da, musika gela. Ez bada beste leku edo espaziorik egokitzen edo eraikitzen, datorren ikasturterako musika/erabilera anitzeko gelarik gabe geratzeko arriskuan gaude.

Egoera honen aurrean, Udalarekin batera zer egin aztertu eta beste aukerarik dagoen ikusi beharko litzateke.

4. 2012-2013 IKASTURTEKO PLANGINTZA:

      Ikasturteko Plangintza 2012-2013 Ordezkaritza Organo Gorenaren bilerarako prest egon behar du, azaroaren 8rako.

      Guraso Elkartearen helburuak zehaztu ondoren, guraso elkarteko idazkariak (Eider Amundarainek)   eskolara bidaliko ditu.

5. ESKOLA-SUKALDEA:

     Rosa Iturralde sukaldariak erretiroa hartu du eta bere ordez beste langile bat etorriko da.  

6. ESKOLA-KIROLAK:

     6.mailako mutilek ez dute eskola-kirolean parte hartzeko izenik eman. Dirudienez, Intxurre futbol taldean izena eman izanak asetzen ditu eta ez dute bestetan parte hartu nahi.

  

7.  ORDENADORE GELA MUGIKORRA:

     Ikasturte honetarako ordenadore gela galtzearen ondorioz, Hezkuntza Saileko Plangintza ataleko arduradunek agindu zioten eskolari, ordenadore “gela” mugikorra bidaliko zutela. Oraindik ez da iritsi baina laster izango dela  adierazi dute aste honetan. Bere hitzetan, urriaren 15erako dena bideratuta egongo zela uste zuten, baina ….

8. BI IKASLE BERRI 6. MAILAN:

     Lehen Hezkuntza 6. Mailarako bi ikasle berri matrikulatu dira, marokoar jatorrizko bi ahizpa.

9. EBALUAZIO DIAGNOSTIKOA:

      Ordezkaritza Organo Gorenaren bileran, ebaluazio diagnostikoaren eredu berriaren aurkezpena egingo du eskolak.

B.GURASO ELKARTETIK SORTUTAKO GAIAK:

1.    ESKOLA- KIROLA / INTXURRE FUTBOL TALDEA.

     Eskola eta Intxurreren artean konpromisu bat egon da non Intxurre futbol taldean izena emateko orduan, eskola-kirolan parte hartzea derrigortzen zitzaien. Baina ikasturte honetan, 6. mailako mutikoek  Intxurre futbol taldean izena eman dute eta eskola-kirolan berriz, ez dira apuntatu. Ondorioz, eskola-kirola arriskuan ikusten da batipat III Zikloko LH 5. eta 6. mailako mutikoen kasuan eta konponbide bat bilatu behar zaio.

     Hurrengo bileran sakontzeko geratu gara gai hau.

2.    ESPAZIO FALTA ESKOLAN:

     Aurtengo ikasturtean, ordenadore gelarik gabe geratu gara,  datorren urtean berriz, arriskuan dago musika gela. Eta gainera, murrizketak direla eta, pertsonala gutxiago, ratioak igotzen ari dira eta iaz irakasle erdi bat kendu ziguten.  Eta zer egin genezake ?

    Gai hau, baita  Ordezkaritza Organo Gorenean ere azalduko da eta guraso kide berriei informatu ondoren, elkar lanean konponbideak bilatu behar direla azaldu da.

3.    GURASO PARTAIDE BERRIAK, BARNEKO ARDUREN BANAKETA:

     4 urte betetako gurasoak agurtu ondoren, jarraian guraso elkartearen barneko arduren banaketa prozesuari hasiera ematen diogu.   Lehenengo, informatu zaie guraso berriei guraso elkartearen barneko ardurak zein diren eta baita ere, guraso arduradun bakoitza azaltzen edo deskribatzen joan da zein diren bere ardurapean dituen lanak, koordinaketak, etab.  

     Ondoren, GURASO ELKARTEAREN BARNEKO ARDUREN BANAKETA gauzatzen da. Guraso partaide berri bakoitzak bere borondatez aukeratu du bete beharreko ardura.

    Beraz, honela zehaztuta gelditzen da GURASO ELKARTEAREN ERAKETA BERRIA:

GURASO ELKARTEAREN BARNEKO ARDUREN BANAKETA:

Guraso Elkarteko lehendakaria: Guraso Elkarteko lehendakari-ordea:	Leire Tello  Iñaki Iturbe
Batzorde Iraunkorreko partaideak:	Tere Vara Leire Tello
Jangela eta Haur Txokoaren arduradunak:	Mirari Beloki Pilar Palomares
Kiroletako arduradunak:	MªJose Izagirre Juana Mª Davila
Udaleko kultur batzordeko partaidea:	Elena Alustiza
Euskara, Hizkuntza normalkuntza batzordea:	Irma Tobar Xabier Maiza
Idazkariak:	Felisa Mujika Jaione Olano
Ekonomia arduradunak:	Agurtzane Arsuaga Nekane Mujika
Baratza arduradunak:	Jexux Loidi Iñaki Iturbe

 

HURRENGO BILERA:  AZAROAK 20 (ASTEARTEA), 18:00etan.

GURASO ELKARTEKO BILERA (2012-09-17)

GURASO ELKARTEKO BILERA (2012-09-17):

Partaideak:  Regina Sorarrain, Tere Vara, Agurtzane Arsuaga,  Irma Tobar, Ioseba Karrera, Jexux Loidi, Elena Alustiza, Eider Amundarain eta Feli Mujika.

Guraso Elkarteak , IRAILAREN 17an egindako bileran jorratu ziren gaiak hauek izan ziren:

A.  ESKOLA KONTSEILUAREN IRAUNKORRETIK SORTUTAKO GAIAK:

1.    Ordezkaritza Organo Gorena/Guraso Elkartean gertatuko  aldaketak.

Guraso Elkarteko bajak:  DBHra pasa diren ikasleen gurasoak. Hiru tanda zaharrekoak eta bat tanda berrikoa.

·         Tanda zaharrekoak:  Patxi Karrera eta Larraitz Tobar.

·         Tanda berrikoa:  Patxi Rojo.

Ordezkaritza Organo Gorenerako hauteskundeak azaroan izango dira, azken orduko aldaketarik ez badago. Bi urterako zazpi ordezkari geratuko dira; hauteskundeetan zortzi ordezkari berritu beharko dira. Guztira: 15 ordezkari izango guztira.

2.    IKASLE ALTA/BAJAK:

HH 2:  Alta 1 /baja 1.

HH 3:  Baja 1

HH4:   Alta 1

LH1:   Baja 1

LH2:   2 alta

Guztira:   4 alta / 3 baja

3.    2012/2013 IKASTURTEKO IKASLE ETA IRAKASLE ZERRENDA, GELAKA:

HAUR HEZKUNTZA:

HH 2 URTE (A):  12 ikasle.  Irakaslea:  LEIRE SALABERRIA

HH 2 URTE (B):  12 ikasle. Irakaslea: BEGOÑA ARIN

HH 3 URTE (A):  13 ikasle. Irakaslea: IDOIA OBINETA

HH 3 URTE (B): 14 ikasle . Irakaslea: ROSI BORRACHERO

HH 4 URTE:  20 ikasle. Irakaslea:  ESTHER IRIGOIEN

HH 5 URTE:  24 ikasle. Irakaslea NEKANE GUERRERO

*HH IKASLEAK GUZTIRA:  95 ikasle

HH LAGUNTZA:  BAKARNE JUAREZ

HH LAGUNTZA:  JONE GUERRERO

LEHEN HEZKUNTZA:

LH 1. MAILA: 19 ikasle.Irakaslea:  Mª VICTORIA GOYA

LH 2. MAILA (A): 14 ikasle. Irakasle: NEKANE LOPEZ MILLAN

LH 2. MAILA (B): 15 ikasle: Irakaslea: IÑIGO AYERRA MUNDUATE

*1. ZIKLOKO IKASLEAK GUZTIRA: 48 ikasle   

LH 3. MAILA: 23 ikasle . Irakaslea:  LARRAITZ ARTANO

LH 4. MAILA: 18 ikasle. Irakaslea: ARANTZA GALARZA

*2. ZIKLOKO IKASLEAK GUZTIRA:  41 ikasle

LH 5. MAILA:  24 ikasle. Irakaslea: REGINA CARRERA

LH 6. MAILA:  18 ikasle. Irakaslea: ARANTXA MURUA

*3. ZIKLOKO IKASLEAK GUZTIRA: 42 ikasle

*LHko IKASLEAK GUZTIRA: 131 ikasle

*IKASLEAK DENERA:  226 ikasle

IRAKASLE ESPEZIALISTAK:

GORPUTZ HEZKUNTZA: IÑAKI ARMENDARIZ

MUSIKA: JOSEBA GARAIKOETXEA

INGELESA: JOKIN ARREGI

LAGUNTZA (INGELESA): AGURTZANE ETXEBERRIA

PT:  MYRIAM LARRAÑAGA

ORIENTATZAILEA:  ASUN ESNAOLA

LAGUNTZ (0,5): LURDES URRESTARAZU

PT-HIPI (0,5): XELA VIEITES ECEIZABARRENA

ALE (0,2 – IBILTARIA): BEGOÑA OTEIZA PIERA

ERLIJIOA: IRUNE GURRUCHAGA AIZPITARTE

HEZITZAILEA (0,5):  AITZIBER URRESTARAZU EGUIA

4. IKASTURTE HASIERAKO EBAZPENA:

Ale bat Guraso Elkartearentzat. Berrikuntzak komentatu dituzte bileran.

5. IKASTURTEAREN PLANIFIKAZIOA:

HH 5 taldea LHko eraikinera pasa da.

Ordenadore gela mugikorraren zain dago eskola, Ordezkaritzaren erantzunaren zain.

Hurrengo urteetarako plangintzarekin jarraitu beharra dago, 2013-2014 ikasturterako talde eta ikasgela  beharrak aurreikusteko.

6. KONPONTZE ETA GARBITZE LANAK:

Irailaren hasieratik lanean jardun dira udal langileak, eskola txukundu eta behar ziren konpontze lanak eginez. Eskertzekoa izan da beren egina.

7.  IKASTURTEKO KUOTAK:

Kuotak kobratzeko egutegia zehaztu beharra, adibidez:

IRAILA:  testu liburuak

URRIA: eskola materiala

AZAROA: Guraso Elkartearen kuota.

ABENDUA:  eskola-kirolak… Bi  kuotak izaten dira.

8. TESTU LIBURUAK

Banatu dira ikasleen artean.

Laster kuota kobratuko dugu, ikasturte amaierako oharrean agertzen dena.

9. ESKOLA-JANTOKIA ETA GARRAIOA:

JANTOKIA:

HH2:  10 mahaikide.

HH: 45 mahaikide.

LH: 69 mahaikide.

DBH: 102 mahaikide.

GARRAIOA:

Aldaba:  ikasle garraiatu bat.

Baliarrain: 7 ikasle garraiatu.

Orendain: 24 ikasle garraiatu.

10. 2011-2012 IKASTURTEKO MEMORIA:

Uztailean jaso zuen Guraso Elkarteak ale bat.

11. 2012-2013 IKASTURTEKO PLANA:

Ikasturte honetarako helburuak finkatu behar ditugu. Guraso Elkarteko kide batek  osatuko du.

12. ESKOLA-KIROLAK:

Astelehenean eskola-kiroleko batzordea elkartu zen: Monika, Patxi Rojo eta Jokin. Ikasturtea martxan jartzeko lehen urratsak eman ziren: oharrak eta izen emate orriak banatu geletan, ikasleekin hitz egin, egutegiak prestatu ….

13. BARATZA:

Jesus Loidik (Guraso Elkarteko kidea) baratzeko belarrak kendu eta garbitu du. Udalak iturria jarri du. Baina oraindik urik ez dago.

Haur batzuk bizikletekin baratzera sartu omen dira. Horrelako ekintzak ekiditeko, atea ixtea pentsatu da, kanpoko inor ez sartzeko. 

Jonek,  Agurtzanek  eta Lourdesek (irakasleek) hartuko dute parte baratza batzordean.

B.   GURASO ELKARTETIK SORTUTAKO GAIAK:

1.    TOLOSAKO SASKIBALOI TALDEAN IZEN-EMATEA.

Guraso Elkarteko kide batek ekarri du Tolosako saskibaloi taldeari buruzko informazioa eta eskolan zabaltzeko (tabloian)  komentatu dugu.

2.    ARALARREKO GURASO ELKARTETIK JASOTAKO ERANTZUNA:

Aralarreko Guraso Elkarteak, gure eskaerari, eta baita inguruko herri eskolen guraso elkarteei emandako erantzunarekin gure desadostasuna azaldu dugu. Uko egiteaz gain, ez dute funtsezko arrazoirik eman.  Beraz, denon artean erabaki da gai honi berriro eutsi eta zerbait egin behar dugula.

Hasteko, Aralar institutuan seme-alabak dituzten gurasoak geratu dira gai horrekin aurrera egingo dutela. Idatzi bat prestatuko dute  sinadurak jasotzeko, eta ondoren  Aralarreko gurasoak izanik, hango Guraso Elkarteari  proposamena luzatuko diote.

3.    GURASO ELKARTEKO  HAINBAT DOKUMENTUREN BILKETA:

Bileran aipatu da, hainbat  dokumentu  (idatziak, eskaerak, proposamenak…),idatzi dituzten  gurasoen eskuetan geratu direla eta plantila horiek komeniko litzatekeela paperez edo eta baita euskarri informatiko batean gordeta Guraso Elkartean edukitzea, bertako eta ondoren etorriko diren gurasoentzako garrantzitsuak izango baitira. Dokumentu horiek dituzten gurasoak geratu dira e-mailez pasako dituztela elkartean gordetzeko.  

HURRENGO BILERA:  URRIAK 22 (ASTELEHENA), 18:00etan.