Guraso elkarteko bilera 2017/04/02 BILERAKO AKTA

GURASO ELKARTEKO AKTA (2017/04/02)

Partaideak: Olatz Irazustabarrena, Joseba Garmendia, Iñaki Oreja, Imanol AIzpurua, Amaia Saizar, Jon Asurabarrena, Inma Altuna, Andrea Larrañaga, Irene Lasa, Gema Mujika , Garbiñe Peñagarikano, Xabier Irazusta, Amagoia Murua  eta Urrategi Perea.

1-ESKOLAKO AKTA

ZUHAITZ EGUNA Apirilaren 3an ospatuko dugu zuhaitz eguna. Irteera egun osokoa izango da.

BARNE FORMACIÓN Barne formación enpresak extraeskolar baten eskaintza egiten du.Enpresa honek helarazitako korreoa Guraso elkarteko kide guztiei bidali zaie. Dokumentua atxikita dago.

Ez da egokia ikusi honen zabalkuntza enpresa pribatu batena delako.

KORRIKA Ikastetxeak ordaindutakoaren erdia (106,25 euro) eskolako kontuan sartu behar da. Faktura atxikita dago.

 GE-ak ordaindu du bere zatia.

OPTOMETRISTA Optometristaren fakturaren 90 euro (hitzaldia) eskolako kontuan sartu.

GE-ak ordaindu du bere zatia.

NOLEGA Apirilak 5, asteazkena, Altzora (HH 4,HH 5,LH 1.mailak) autobusez.

Apirilak 4, asteartea, Ikaztegietara (LH 2.LH 3.LH 4.mailak). Printzipioz oinez.

2017-2018 IKASTURTEKO PROIEKTUAK

Hezkuntza sailak datorren ikasturterako proiektu batzuen deialdia egin du.

Berritzeguneko erreferentearekin bilera egin du Zuzendaritza taldeak eta “BIKAINTASUNERANTZ” eta “BIDELAGUNA” proiektua  aurkeztea erabaki du oraingoz.

Zertan datza BIKAINTASUNERATZ proiektua:

Egun ikastetxean ditugun proiektu desberdinak Proiektu global batean biltzea, bertan datorren ikasturtean proiektu bakoitzean landuko dena zehaztuz.

• IK/KI (IKASKUNTZA KOOPERATIBOAN) metodologia ardatz hartuta zeharkako konpetentziak lantzeko eta hauek ebaluatzeko eman beharreko pausoak finkatu.
• ELKARBIZITZA proiektuaren barruan GOLDEN 5 programan pausoak ematen jarraitu.
•  “Goggle Drive” eta ikastetxeko “Web gunearen” erabileraren inguruko erabakiak hartu.
• Arloetako programazio orokorretan lorpen adierazleak mailakatu:

HEZIBERRI 2020 dekretuak Ebaluazio irizpide bakoitzeko lorpen adierazleak zehazten ditu baina zikloa bukatzean lortu beharko liratekeenak, hau 3.maila eta 6.maila bukatzean. Beraz datorren ikasturtean maila bakoitzean lortu beharreko lorpen adierazleak zehaztu nahi ditugu.

BIKAINTASUNERANTZ proiektuak atala hauek izan behar diu:

     -Diagnostikoa.

     -Helburu estrategikoak.

     -Helburu orokorrak.

     -Hartzaileak.

     -Gauzatuko diren ekintzak, irakasleentzako prestakuntza-jarduerak.

     -Aurrekontua.

     -Plangintza eta gauzatzeko egutegia.

     -Proiektua ebaluatzeko irizpideak eta emaitzak neurtzeko adierazleak.

-BIDELAGUNA Proiketuaren deialdia argitaratzen denean urtero bezela eskatuko da.

Guraso Elkartetik ondo ikusten da eskola horrelako proiektuetan sartzea.

2- Guraso Elkarteko zordunekin zeregin: BAIKARAk esandakoa

Asistentarekin zuzenean hitz egitea pentsatu da.

3- IKTko arduradunak interneten eta sare sozialen erabilpenari buruz proposaturiko inkesta aurkeztu eta onartu

Egokia ikusten da eta honekin aurrera jarraitzea idea ona dela baloratzen da.

4-Irakasleen jubilazioaren agurrerako opari edo detailearen zehaztapena

Taila bat egingo zaio.

5-Graffiti Tailerrerako bozetoen aurkezpena

Aurkeztu diren bi bozetoetatik lehenengo aukeratu da eta izenik ez jartzea izango dela egokiena erabaki da. Esaldia oso haundia dela komentatu da eta txikiagoa egiteko esango zaio.

6- Greba eguneko zerbitzu minimoak

Greba aurretik ikastetxeetan zerbitzu minimoko informazioa jasotzen da zirkular baten bitartez. Oraingoan hurrengoa bete behar  zen, zuzendaritza taldeko kide bat eta atezaina, dagoen kasuetan.

7-Udalekuak

Kirol batzordea, futbol Udalekuak prestatzen ari da Zestoako Sastarrain baserri eskolan. 5 eta 6.mailari luzatuko zaio, aste betekoa izango da udalekua eta Alegiako festen ondoren izango litzateke.

8- Kurtso amaierako festarako proposamena eta eszenarioko gordetzeko lekua   )

-Eszenatokiak duen kostua eta jasotzeak sortzen duen egonezina ikusita, iaz bezala Oinkari dantza taldearena alokatzea pentsatu da, gestioa egin da eta iazko prezioan utziko digutela esan dute.

- Atrakziones Sanz-ekoekin harremanetan jarri gara puzgarriak eskolako festarako eskatzeko eta berandu gabiltzala diote.

- Sustrai donuak eskeintzen duen dantza festa antolatzea onartu da eskolako festa egunean. Ordutegia arratsaldeko 6etan onartu da baina beraiek ez dute libre ordu hori. Hurrengo bileran ikusiko da ordua aldatzen den edo beste zerbait jarri.

- Patata Tropikalak egingo du ikasturte amaierako emanaldia Elizpe zineman maiatzaren 19an arratsaldeko 16.30etan. Kondaira baten truke antzeztuko dutelarik.

9- Eskolako patioan bizikleta erabilerari buruzko proposamena

Eskolaz kanpo bizikletak sortzen duten arazoak ikusita, hauen erabilpena debekatzea proposatu da. Udalarekin hitz egin beharko litzateke eremua berea denez, guk bakarrik ezingo genuke debekatu.

10-Galderak eta proposamenak

Hurrengo bilera maiatzak 2arratsaldeko 6etan

Guraso elkarteko bilera 2017/03/14 BILERAKO AKTA

GURASO ELKARTEKO AKTA

Partaideak: Olatz Irazustabarrena, Joseba Garmendia, Iñaki Oreja, Imanol AIzpurua, Amaia Saizar, Jon Asurabarrena, Inma Altuna, Andrea Larrañaga, Irene Lasa, Gema Mujika , Garbiñe Peñagarikano, eta Urrategi Perea.

Gai zerrenda:

1-ESKOLAKO AKTA

ELDUAIEN HIZKUNTZA ESKOLAREN ESKAINTZA

Informazioa korreo elektronikoz bidali da.

Eskaintzaren artean:

1. Eskola-orduz kanpoko saioak
2. Udako hizkuntza ludoteka

Ikastetxeentzako atzerriko egonaldiak.

Informazio hau guraso guztiei zabaldu edo ez galdetu da eta bilerara bertaratutakoak, ezetz erabaki dute enpresa pribatu bat dela eta eskolaren bidea ez dela egokia propaganda hori zabaltzeko.

KORRIKA TXIKIA

Korrika txikia (Apirilak 6). Kilometroa erosteaz Marijo, kultur etxeko arduraduna, arduratuko da. Erdia DBHkoek ordainduko dute. SAN JUAN ikastetxeari dagokiona berriz ikastetxea eta Guraso elkartearen artean ordainduko da.

Guraso elkartekoek bukaera animatuko dute musika jarriaz eta ikasleei txokolatea banatuz.

Aurreko bileran erabaki zen moduan, guraso elkartea arratsaldeko lauetatik aurrera arduratuko da egun horri luzapena emateaz.

NIGERIA

Martxoaren 13tik aurrera ikastetxean egongo dira ikusgai klasean egindako lanak.

Martxoaren 27tik aurrera kultur etxean jarriko dira ikusgai.

Kultur etxea eta ikastetxea elkarturik Nigeriar ipuin kontalari batekin harremanetan jartzen saiatuko dira.

IKASTETXEKO ARBELAK

Arbelen errebisioa egin du Eusko Jaurlaritzak kontratutako enpresa batek ea amiantorik bazuten edo ez jakiteko. Ez dago arazorik.

KURTSO BUKAERAKO JAIALDIA

Ekainaren 3an goizez izango da.

LH 5 LEMOIZERA

Martxoaren 13tik 16ra Lemoizko Euskal Girotze Barnetegian egongo dira LH 5. mailakoek. Bertan LH 5. Mailako tutorea eta zuzendaria egongo dira.

Azken 2-3 urteko ohitura jarraituz, ahal den egokien, gurasoak korreo elektronikoz informatuta egongo dira.

JOKINEN JUBILAZIOA

Irakasleok zerbait berezia egitea pentsatzen badute edo ideiaren bat bururatzen bazaie, Guraso elkartearekin jarriko da harremanetan.

2- Guraso Elkarteko zordunekin zer egin

Baikara-ra deituko da informazio eske, ea beste Guraso elkarteak nola jokatzen duten arazo honen aurrean eta Herriko gizarte laguntzailearekin ere hitz egingo da.

3- Antzezlan edo antzerki baten aukeraketa

Patata Tropikala konpainiarekin jarriko gara harremanetan, ea maiatzeko ostiralen batean posible duten euren obretako bat eskaintzea.

4- IKTko arduradunak interneten eta sare sozialen erabilerari buruz proposaturikoa.

Eskolako IKTko arduraduna dago ikasleek internet eta sare sozialen inguruan duten erabilerarekin eta Guraso elkarteari honen inguruan egin beharreko lanketa baten iritzia ikusten du, alde batetik ikasleei galdetegi bat pasa eta gero emaitzak ikusita erabakiak aztertu eta aurrera eraman. Ideia ona dela iruditzen da eta eman beharreko pausuak burutzeko eskatuko zaio IKTko arduradunari.

5-Irakasleen jubilazio edo irakasleen agurrerako irizpideak

Eskolan dauden irakasleak jubilatzen direnean, edo eta eskolan 15 urtetik gora pasatzen duten irakasleekin, Guraso elkarteak detaile bat izan behar duela ikusten da.

Hurrengo bilerako, ideiak ekarri behar dira detaile horren inguruan.

6-Graffiti Tailerrerako esaldia

Aukeratu den esaldia hau da: EUSKARA GUK ZAINDU BEHARREKO LANDAREA DA.

Euskara gu zaindu beharreko landarea da.

Grafiti tailerreko arduradunari esan behar zaio,ikasle bakoitzak bere izenak jartzeko beste modu bat pentsatzeko, Altzon dagoena ez da gehiegi gustatzen.

7- Patioko komunen egoera eta garbitzaileen kexa

Garbitzaileak duten kexari erantzuteko, haiei eskatuko diegu egoera txar batean ikusten dituztenean argazkiak ateratzeko, gero argazki horiekin gurasoei ohar bat bidaliko zaie, gogoraraziz, haur bakoitzaren arduraduna bere gurasoa dela eta zerbitzu hori zabalik mantentzea denon esku dagoela.

8- Kurtso amaierako festarako agertokiko telaren kostua (Joseba)

Agertokiak izango duen kostu zehatza jakin behar dugu aurrera eraman edo ez jakiteko. Silber prest azaldu da bere ikasleekin estruktura muntatzeko, baina horretarako erabili behar den materialaren gastua Guraso Elkarteak bere gain hartu beharko du.

Hurrengo arazoa aurreikusi da,agertoki hori gordetzeko tokia non egongo den, Udalak toki gutxi omen du eta. Hurrengo bilera iraunkorrean gaia landuko da.

Bestalde ere, beharrezkoa ikusten da erabakia hartzeko kostu zehatza ezagutzea.

9.- Musika bozboragailuak eta mahaia:

Aurrekontu zehaztu bat ekarri da eta orain eskolari aurkeztu behar zaio ea eurek prest dauden erdia ordaintzeko. Guraso elkartea prest azaldu da erdia ordaintzeko.

10.- Martxoak 22rako Hezkuntza publikoan, dagoen greba deialdia:

Eskolako zuzendaritzak Guraso elkarteko kideak gonbidatu zituen, martxoak 22rako dagoen greba deialdiaren inguruko informazioa jasotzera, deialdia egin duten hiru sindikatuko kideak eman behar zuten hitzaldi informatibo batetara.

Greba hau hezkuntzan parte hartzen duten langileen eskubideak aldarrikatzeko, egingo da, baita honek hezkuntz sisteman dakarren galerak salatzeko ere.

7-Galderak eta proposamenak

Hurrengo bilera apirilak 4ean izango da arratsaldeko seietan.

Guraso elkarteko bilera 2017/02/14 BILERAKO AKTA

GURASO ELKARTEKO BILERA (2017/02/14)

Partaideak: Olatz Irazustabarrena, Joseba Garmendia, Iñaki Oreja, Imanol AIzpurua, Amaia Saizar, Jon Asurabarrena, Inma Altuna, Andrea Larrñaga, Irene Lasa, Amagoia Murua, Gema Mujika eta Urrategi Perea .

1-IRAUNKORRA

Ebaluazio diagnostikoa: EDko frogak egin behar dituzten gurasoentzat bilera informatiboa egingo da otsailaren 22an 17:00etan.

Arbel digitalak: Lehen hezkuntzako tutoretza guztiak hornitu dira.

Zuzendaritza Proiektua: Ikuskariak zuzendaritza proiektua aurten ebaluatu behar du ikastetxeko OOGnean eta horren data otsailak 20a izango da arratsaldeko 17:30etan da.

HNP:“Arnastu euskara” ekimenean parte hartzea erabaki du Pedagogi Batzordeak guraso elkartearekin batera. Maiatzak 20ean Lip Dub erraldoi bat egingo da eta euskararen aldeko jaia bertan ospatuko da. Horretarako otsailaren 16ean Zerkausian 18:00tan aurkezpen ekitaldi bat egongo da eta bertara zuzendaritza, HNP, guraso elkartekoak eta nahi duen orok joateko gonbidapena jasotzen ari da.

“Euskararen inguruko hausnarketa saioa”, Inaxio Usarralde hizlaria. 450 euro. Gonbidapena DBHkoei ere luzatu zienez onartuko balute bi ikastetxeek finantziatu beharko lukete.

NOLEGA:

● Apirilak  4, asteazkena, Ikaztegietara LH 2.3.4.mailak

● Apirilak 5, asteazkena, Altzora HH 4, HH 5 eta LH 1.mailak

Irteera: LH 6. mailako ikasleak Arotzeneara, otsailak 15,16,17.

Gurasos: Guraso elkarte honek bidalitako korreo baten birbidalpena egitea OGG-ari eskatu zaio. Guraso elkartea hau guraso guztien artean zabaltzearen aldekoa azaldu da.      

2-KIROLA

- Aste Santurako haurrentzat bi proposamen aurkeztu dituzte:

​​1.- Apirilak 10-13 bitarte:  Patinaia ikastaroa. Ikastaroa emateko begiralea badago. (Ixone)

​​2.- Apirilak 18-21 asteko, egun batean 3 ordutako orientazio saio  bat, zehazten joango dira bertan parte hartuko duten haurren adina eta ikastaroa nola eta non  eramango den aurrera.

- Gurasoentzat patianaia ikastaro bat antolatzeko aukera ikusten da, honetarako aukera bakarra asteazkena gaueko 9.00tatik 10.00tara delarik, frontoian libre ordu horretan bakarrik bait dago. Hau aurrera eramateko, begiralea badago eta herritar guztiei zabaltzea egoki ikusten da, kartel bitartez eta Udalari eskatuz honen berri emateko baita ere.

Aurreko bileran, izan ziren kexen ondorio, kirol arduradunekin izandako bilerak ondorio onak izan ditu eta lehenengo  momentutik aldaketak ikusi dira.

Aurtengoan, Eroetxe Krossak Kirol arduradunak honen inguruko informazioa zabaldu dute eta whats app bidez guraso gehiago enteratu dira,  bestalde, begiraleen parte hartzea eta bertaratzea, eskertzekoa dela esan da.

Kirol arduradunek, hitzaldi baten proposamena egin dute, “Kirola bere osotasunean jorratuko lukeena” konpetitibitatea, elikadura, prestakuntza.... Ikasle eta gurasoei zuzendutakoa izango dela aurreikusten da, eta hau aurrera eramateko, Iñaki Artolarekin harremanetan daude. Gaurkoratu direnak egokia ikusten dute eta aurrera eramateko proposamen egokia dela esan da.

3- ESKOLAKO FESTA

- Kurtso amaierako festarako eszenarioa eta musika ekipoa

-Musika ekipoa erosteko aurrekontua ekarri da eta, 600 euro inguru, kostatzen omen da iaz alokatu zenaren ezaugarri  berdinak dituen batek. Prezio horretan eta eskolarekin erdibana ordainduz gero, bertaratu direnak euren adostasuna azaldu dute.

-Eskenatokiaren alokairua iaz kostatu zena kontutan izanda, aurten Guraso Elkarteak bat eraikitzeak izan dezakeen kostua kalkulatzea pentsatu da. Horretarako, Iñaki Orejak Silberrekin hitz egingo du ea posible izango zen estruktura bere ikasleekin egitea baita honek izango duen material kostua jakitea eta Josebak oihal ¨inifugoak¨ duen prezioa begiratuko du.

Andrea, dantza taldekoekin hitz egiteko geratu da, ea eurek interesa duten eskenatokian eta  hala balitz,ea  bien beharrak betetzeko aukerak dauden.

4-Jokinen jubilazioa

Aurten Jokin jubilatzen dela kontutan izanik, hurrengo iraunkorrean zuzendaritza taldearekin hitz egin ea zerbait egiteko asmoa duten. 

Denbora irizpide bat jarri aurrerantzean jubilatu behar diren irakasleei zerbait egin edo ez erabakitzeko. 

Bilerara bertaratu direnek, irizpide bezala, 15 urte eskolan lan egitea egoki ikusten dute. 

5- EUSKERA

Euskerako hitzaldia: Eskolako aktan jorratu dugunaren gain esan, “marketing” kanpaina egiten hasi direla. 

Data: apirilak 5ean arratsaldeko 16.00-17.30 bitartean

Zaintza zerbitzua eskaintzea ongi baloratu da.

Korrika txikia: 

Apirilak 6 arratsaldeko 15.00etan.

Aurreko deialditan bezala, herrian zehar zirkuito bat osatuko da eta LH6ko ikasleak besteak biltzen joango dira, gainontzeko taldeak toki jakinetan itxarongo dietelarik.

Eskolak eskatu du arratsaldea luzatzeko modurik badagoen eta, Guraso Elkartetik aproposa ikusten da merienda bat eskaintzea. Txokolatea bizkotxoekin.

Gurasoen laguntza behar da, alde batetik txokolatea prestatzeko, kotxeko megafonia eramateko eta korrika garaian bide gurutzeak  egiteko.

Arnastu Euskera (In eskolako aktan azaltzen da. Hala ere,  aktan maiatzak 20an jartzen du, baina batzordeko arduradunak 20a edo  27a izan daitekela esan dute.

6-Graffiti Tailerra (Olatz)

Grafiti tailerra aurrera eramango da, ekainak 5 -9 ko astean 15-tatik 17.00tara.

10 haurreko, heldu arduradun bat egon  beharko du. Pareta erabiltzeko baimena eskatua dago eta onartu da. Pareta pintatzeak 700 inguruko kostua izango du eta ikasle bakoitzak erropa zaharra eta maskarila bat ekarri beharko ditu. 

Gaia landareak izango dira eta  ikasle bakoitzak bat pintatu eta bere izena jartzeko aukera izango du. 

Esaldi bat jartzeko aukera eskaini da eta oso egokia ikusi da taldean, hau euskararekin lotua egontea. 

Aste Santu ondoren izen ematea irekiko da, taldeak egin ahal izateko. 

Guraso Elkartearen ardura izango da paretaren garbiketa, eta Udaletxeari eskatzea pentsatu da, eskaera Jon Asurabarrenak egingo du.

7-Guraso Elkarteko webgunea

Mikel Altuna irakasleak bere burua eskaini du gurasoekin webgune horrek duen funtzionamentua azaltzeko.

UrrategiK bere burua eskaini du Guraso Elkarteko atala betetzeko.

8-Galderak eta proposamenak

Hurrengo bilerarako, kuota ordaintzen ez dutenekin zer egin behar den eztabaidatzeko beharra ikusten da.

Hurrengo bilera martxoak 14an izango da arratsaldeko 6.00etan.

Guraso elkarteko bilera 2017/01/17 BILERAKO AKTA

GURASO ELKARTEKO BILERAKO AKTA 2017-01-17



Partaideak: Olatz Irazustabarrena, Joseba Garmendia, Iñaki Oreja, Imanol AIzpurua, Amaia Saizar, Jon Asurabarrena, Inma Altuna, Andrea Larrñaga, Irene Lasa, Amagoia Murua, eta Urrategi Perea .


.
1.-Iraunkorreko Gaiak


- 2016 ekitaldiko aurrekontuak: Guraso elkarteari banatu zaio, eta taldeko diruzainak jaso ditu.



- Arbel digitalak: Ostegunean, urtarrilak 19an hiru Arbel digital jartzea etortzekoak dira. Honela LHko Tutoretza guztiak hornituta gelditzen dira.
* LH 1 A (Regina Carrera)
* LH 1 B (Regina Sorarrain)
* LH 2 B (Mikel Altuna)



- Tolosaldea Sahararekin: Tolosaldea Sahararekin” elikagaiak eta eskola material bilketa kanpaina:
           * Elikagaiak: Lekaleak, hegaluzea eta sardinak oliotan, pasta, arroza, azukrea, olioa, konpresak eta helduentzako pixa oihalak)
           * Eskola materiala: Koadernoak, arkatzak, ezeztekoak, txorroskiloak…)
Urtarrilaren 23tik 27ra.



- Agenda 21 etik ikasleak egin duten eskaerei udalak emandako erantzunaren berri ematen da.

- Piano jolea: Urtarrilak 24ean goizez, eskolan. Udaletxeak finanzatzen du.



- Ebaluazio Diagnostikoa: Froga hau arautzen duen Ebazpenaren luzatu digute.


- Baikarako aldizkariak: Gutxiegi bidaltzen dituzte eta eskaria egingo da baikarara.






- Abenduak 24ko kantaldia: Batzorde Iraunkorreko partaide diren gurasoak balorapen positiboa egin dute. Ikasleen jarrera ere oso ona. Ibilbide egokia izan da eta gustura ardura banaketekin, beti bezala, hobetu beharrrekoa gurasoen jarrera da. Hurrengo ikasturtean antolaketa lehenago egitea pentsatu da.
Bildutako dirua San Filipo elkarteari eman zaio.





- Musikako ekipoa: Zuzendaritzak Musikako ekipoa Guraso elkartearen eta ikastetxearen artean erosteko (erdibana ordainduta) proposamena egin du. Bileran bertaratutakoak ados daude ekipoa erdibana erostearekin baina, erosi behar denaren prezioa jakinda, eta ekipoak fundamentuzkoa izatearen beharra ikusten da.




2-- Antzerki edo Emanaldi hitzaldi eta tailerra antolaketak:

Emanaldia: ”Patata tropilakala” konpaniaren berri ematen da, obra desberdinak daude eta prezio desberdinak dituzte.



3--HPN-tik gonbidapena jaso da, gurasoak euskararen erabileraren inguruko 2 ordutako ikastaro bat egitera. Ikastaroa guraso elkarteak eta eskolak ordainduko dute erdibana.
Ikastaro-hitzaldi hau Korrika pasako den astean egitea ikusten da egoki, eta berau aurrera eraman aurretik gurasoen asistentzia bermatzekoaren beharra ikusten da.


BIgarren proposamen bat dago, “Pantallas amigas”-ek eskaintzen duten Teknologia Berrien erabilpen Osasuntsu eta arrisku gabea. Egokia ikusi arren, euskararen ingurukoa egokiagoa dela eta hau hurrengo ikasturterako uztea erabaki da.


Guraso elkarteak antolatzen duen tailerrerako, Grafiti bat egitea proposatzen da, jarduera hau oso egokia ikusi da bileran zeuden partaide guztiengatik. Ekintza hau antolatzen jarraitzeko zehaztapenak lortzeko geratu gara, data, pareta, kuota... Tailerraren arduradunarekin hitz egingo da eta erabakiak hartzen joango gara.





4- Santa Ageda:


Euskera batzordekoak, aurten Santa Ageda larunbatean tokatzen dela eta, eskolak ez du IUP-eko ekintzen barnean sartu. Horrelako egunak ospatzea beharrezkoa ikusten da eta ostiralean ospatzea eskatuko zaio zuzendaritzari ospatuko den hurrengo iraunkorrean.





5- Kirola


Guraso elkarteko kide batzuek antolaketaren inguruan hainbat kexa jaso dituela esan da, besteak beste: kirol arduradunek hainbat konpromezu hartu eta betetzen ez dutelako eta kotxeen antolaketa berandu egiten dutelako.
Shanti torneoa prestatzeko entrenamendu bereziak egongo zirela esan bazen ere, hirugarren mailako ikasleak bakarra egin dutela.
Imanol eta Iñakik haiekin hitz egingo dute eta kotxeen antolaketa, whats-app ez egiteaz gain, eskola aurrean dagoen tabloian jartzeko eskatuko zaie.

Eguberritako kirol kanpusaren balorazioa oso ona izan da.




6-Galderak eta proposamenak.



* Guraso elkarteko osaketan aldaketa bat egongo da Xabier Urdangarin etorri partez bere emaztea, Gema Mujika etorriko da, eta Gemak Kultura hartuko du eta Jon Asurabarrenak Baratza.





Hurrengo bilera otsailak 14an izango da arratsaldeko 18etan.

Guraso elkarteko bilera 2016/12/14 BILERAKO AKTA

GURASO ELKARTEKO BILERA 2016-12-14

Partaideak: Iñaki Iturbe, Nekane Mujika, Jaione Olano, Leire Tello, Irene Lasa, Andrea Larrañaga, Amaia Saizar, Imanol Aizpurua, Garbiñe Peñagaricano, Olatz Irazustabarrena, Urrategi Perea, Jon Asurabarrena, Xabier Urdangarin, Xabier Irazusta, Amagoia Murua eta Inma Altuna.

IRAUNKORREKO GAIAK:

1.- Agurra uzten gaituzten partaideei eta ongi etorria berriei.

Utzi dutenak:

• Iñaki Iturbe
• Nekane Mujika
• Jaione Olano
• Leire Tello
• Pili Palomares
• Unai Amondarain
• Larraitz Rodriguez

Sartu direnak:

• Olatz Irazustabarrena (lehendakari)
• Urrategi perea (idazkaria)
• Jon Asurabarrena
• Xabier Urdangarin
• Xabier Irazusta
• Amagoia Murua
• Inma Altuna

Berriei azaldu zaie ze lan egiten den guraso elkartean, nola banatuak gauden eta zer egiten duen bakoitzak. Beraiek aukeratu dute zein alorretan parte hartuko duten. 

2.- Gabonak:

11etan abituko gera urtero bezala eskolako patiotikan eta hamaiketakoa amaitu ondoren banatuko da. Gurasoei eskatzen zaie isiltasuna umeek abesten duten bitartean, ea lortzen den.

Musikako irakasleak abestiekin banatzen den orria eguneratu du,

Olentzero eramateko arazoak izan zirenez lehengo urtean eskolan galdetzea erabaki da aldez aurretik ea 6.mailako inor animaturko den lan hori burutzera. Ez balitz inor animaturko ez litzateke aterako.

Bildutako dirua San Filippokoei emango zaie.

3.- Kirolak:

Santi torneoan 6 taldek parte hartuko dute. 3. eta 4. mailakoak mixtoak izango dira. Saiaturko dira entrenamentu bat edo bi egiten talde bakoitzarekin torneoa hasi aurretik. Gurasoei abisua pasako zaie.

Pelotako txapelketa ere antolatu da aurreko urteetan bezala.

Kirol kanpusa izango da abenduaren 27 goizean. Bertan lau kirol landuko dituzte eta kirol hori praktikatzen duten herriko kirolariek eskeiniko diete. Amaitzean hamaiketako bat eta niki bana emango zaie haurrei.

Hurrengo bilera urtarrilak 17 asteartea arratxaldeko 6etan

Guraso elkarteko bilera 2016.01.18

GURASO ELKARTEAREN BILERA, 2016ko urtarrilak 18

Partaideak: Irene Lasa, Imanol Aizpurua, Larraitz Rodriguez, Leire Tello, Nekane Mujika, Amaia Saizar,  Pili Palomares, Iñaki iturbe, Garbiñe Peñagarikano eta Jaione Olano.

IRAUNKORREKO PUNTUAK:

1.- KONPOSTA:

Jangelako hondakin organiko batzuekin hasi dira konposta egiten. Asteak mailaka banatu dituzte.

2.- EUSKAL GIROTZE BARNETEGIA (URTARRILAK 25-28) LH5:

LH5A Elgoiberrera doaz eta LH5B Lemoizera. Autobus zerbitzuko aurrekontua bi enpresari eskatu zaie. Aizpurua  eta Tolosaldeari, azken hau izan da aukeratua.

3.- ZAKARRONTZIAK:

Jolastoki nagusian eta erreka ondoan jarri dituzte berriak. Faltan botatzen dira harmaila inguruan. Zuzendaritzari komentatuko zaio hurrengo bilera iraunkorrean.

4.- SANTA AGEDA:

Goizean 9.30 etan irtengo dira abestera eskolako patioan eta ondoren Udaletxe aurrean.

Ostegun gizena denez gero hamaiketakoa jango da eta musika jarriko da hau ospatzeko.

ONDOREN LANDUTAKO GAIAK:

–                    JANGELA: Guraso batzuek eskatu dute ea posible den gela bat irekitzea etxeko lanak egin nahi dituzten aurrentzat.

–                    Etxeko lanak: Baikaratik etxeko lanen inguruan inkesta bat pasatu digute eta interesgarria iruditzen zaigu. Baina beraiek planteatzen duten moduan egiten bada ez ditugu eskolako datuak ezagutuko eta ondorioz erabaki da eskola mailan egitea eta erantzunak guk jaso. Ez da zehaztu nola burutuko den.

–                    Gabonetako emanaldia: orokorrean guraso elkarteko partaideak ez gera gustora gelditu nola joan den ikusita. Umeak sakabanatuta ibili dira, guraso askok hartu dutenez parte oso talde haundia sortu da eta ez da isiltasuna errespetatu abesteko garaian. Haur haundienak ez dute parte hartzen abesten. Zerbait pentsatu beharra dago honen inguruan.

–                    Patinaia ikastaroa: arazoak daude astean zehar egiteko, frontoia oso okupatua bait dago. Ikusi beharko da ea aste santuan posible den. Imanolek hartu du honen ardura.

–                    Eskolako festa, aurreko bileran zehaztu gabe gelditu zen, irakasleak  eguerdira aurreratzea ea posible ote den galdetu zuten, zenbait arrazoi argudiatuz. Iritzi desberdinak daude gai honi buruz, eguerdira pasako balitz lan gehiago dago egin beharra, eta guraso elkarteak laguntza beharko luke, denak ez dute garbi ikusten. Batzuk galdetzen dute, aurten saiakera bat egin eta ez balitz gustatuko, ea atzera bueltarik izango ote duen. Botazioa egin da, nahiz eta jende gutxi egon, eta ezezkoa atera da.

Hala ere, hurrengo bileran hitzegitekotan gelditu gera, dudak daudelako. Eskolari ez zaio ezer esango momentuz.

Hurrengo bilera otsailaren 16 arratsaldeko 18:00tan.

Guraso elkarteko bilera 2015.12.14

GURASO ELKARTEAREN BILERA, 2015ko abenduak 14

Partaideak: Irene Lasa, Imanol Aizpurua, Larraitz Rodriguez, Leire Tello, Nekane Mujika, Amaia Saizar,  Garbiñe Peñagarikano eta Jaione Olano.

Lehenik ikestak irakurri ditugu. 8 bakarrik jaso dira eta bertan irakurritakoa komentatu da. Idea asko ez daude. Kontuan hartuko dira komentatu dizkiguten gauzak.

IRAUNKORREKO PUNTUAK:

1.- ABENDUAK 24KO KANTALDIA:
– Ensaioa Abenduak 21 arratxaldean egingo da. Musika Inma eta Mirariri komentatuko zaie, lehengo urtean bezala. Ahal badute ensaiora joan. Musikarientzat afaria Arruen ematen zaie.
– Hamaiketakoa kantaldia osoa amaitu ondoren banatuko da eta txokolatezko napolitanak eskatuko dira Ogi Berrin.
– Maindira txuri bat hartu beharra dago dirua biltzeko. Bildutako dirua Potosi Komunitaterako izango da.
– Oharra berridatzi eta korreoz pasatuko zaie gurasoei.
– Hitz ordua hamaikak laurden gutxiak eskolako patioan azken gauzak lotzeko. Txalekoa eta makilarekin.

2.- BIZIKIDETZA:
Pasiloetako, komunetako eta jolasatokiko arauak jarri dira

3.- JANGELA:
Urtarriletik aurrera konposta egiten hasiko dira jangelako hondakinen zati batekin, udaletxeko langileen laguntza izango dute.

4.- BERRIZTU:
Berriztu planaren barruan 15 ordenagailu berri jarri dira ikastetxean.

5.- IDAZLEAK IKASTETXEAN:
Programa honen barruan Olaizola Lazkano, Jesus Maria (Txiliku) idazlea etorriko da ikastetxera 3 mailara. Aurrena liburua gelan laduko da.

6.- PIANOJOLEA:
Ikasturtero bezala pianojolea kontratatzeko diru laguntza eskaera egin da udaletxean

7.- APAINGARRI JASANGARRIAK:
Abenduaren 14ean jasoko dituzte udaletxeko langileek.

8.- IKASTURTE AMAIERAKO JAIALDIA:
Jaialdia arratxaldean izan beharrean goizean izatea proposatzen da eskolatik. Arrazoia txikientzako bero asko egiten duela ekainean ordu horretan frontoiean eta oso pisua geratzen zaiela txikiei.
Aldekoak eta kontrakoan badaude baina hobeto begiratu behar dela uste dugu eta hurrengo bileran landu beharko da.

Imanolek komentatu du, kirolatako kuota ordaintzeko familia batzuk falta zirela, bekadunak.
Atzetik ibili behar izan dutela, bainan azkenean lortu dutela, eta lortu dutela kobratzea, bat izan ezik baja eman duelako.
Baita ere esan zuen, desfibriladore kurtsilloa egin dutela Intxurrekoekin batera, eta kurtsilloa Udalak ordaindu du.


Hurrengo bilera, urtarrilak 18 18.00tan.