IGEko akta azaroa

GURASO ELKARTEAREN BILERA, 2013KO AZAROAREN 14AN.

 

Partaideak: Mª Jose Izagirre, Pili Palomares, Nekane Mujika, Feli Mujika, Agurtzane Arsuaga, Irma Tobar, Larraitz Rodriguez, Iñaki Iturbe, Leire Tello, Elena Irazusta, Mirari Beloki, Unai Amondarain eta Jaione Olano.

 

BATZORDE IRAUNKORRETIK ETORRITAKO GAIAK:

 

1.- MATRIKULA BERRIAK.

3 senide Pakistandar matrikulatu berri dira. Bata HH2 urteko gelan, bestea LH 3B mailan, eta bestea berriz LH5.mailan.

2.- BIZIKLETAK UZTEKO PROIEKTUA.

Udaletxeak bizikletak uzteko proiektuaren kokapenari buruz DBHkoek eta LHtik luzatu zitzaien proposamenarekin bat datoz.

Beraz, Larraitz auzoa eta Ikastetxeko futbol zelaiaren artean dagoen gunean izango da kokapena.

3.- BARATZA.

Baratza martxan jarri behar da eta IGEri laguntza eskatu dute. Jone irakaslearekin jarri behar da harremanetan.

4.- BILERAK.

Hemendik aurrera Iraunkorreko bilerak ostiraletan 15:30etan egitea erabakitzen da.

5.-ABENDUAK 3, EUSKARAREN EGUNA.

 Euskaren eguna, abenduak 3. Urteroko ohiturari jarraituz, aurten ere euskararen eguna ospatuko da,eta gaztainak erretzeko ardura gurasoak hartu dute.

6.-GABONETAKO APAINGARRI JASANGARRIAK.

 Ikastetxeak Gabonetan plazako zuhaitzak apaintzeko apaingarri jasangarriak egiteko konpromisoa hartu du.Abisuak banatuak daude. Konpromiso hau Agenda 21tik atera da.

7.-PATIO EREMU BABESTUA IRISTAKORRA.

Ikastetxeak, patioko eremu babestua euria egiten duenean oso irristakorra eta arriskutsua suertatzen denez, eskolak Udaletxeari egoerari honi nolabaiteko irtenbidea ematea eskaria egingo du.

8.- LOATZO MUSIKA ESKOLA.

Loatzo musika eskolakoek, azaroak 21ean, ikastetxeko patio babestua erabiltzeko eskaera luzatu diote ikastetxeari, entsaio orokorra egiteko.

9. ABENDUAK 24.

Loatzo Musika Eskolako maisu bat IGEko bilerara etorri da, eta proposamen bat luzatu du. Bere ikasle batzuk prest daudela abenduaren 24 egunean soinua jotzeko. IGEko partaide guztiei, ideia gustatu zaie eta hori jakinarazi diogu.

 

IGE-TIK ATERATAKO GAIAK:

 

1.- JANGELAKO BATZORDEA.

Jantokiko guraso arduradunak esan zuen jangelako bilera izan zutela, berak ezin izanzuen joan lana zuelako.Akta zeukan eta irakurri egin zuen. Jangela nola dagoen banatua azaldu zuen.

Hiruhilabeteka informeak bidaliko dituzte.HH2 haurrak, egunero ematen dute etxera informea. Begiraleek betetzen dituzte.

Aurreko bilera batean, IGEko partaide batek galdetu zuen, ikasleak irteera egitean egun hori deskontatzen ote zen edo ez.Komentatu dute, deskontatzen dela, horren adibidea esan zuten orain dela gutxi DBH 1.mailakoak Hondarrabira eginiko irteera bere garaian ez zutela deskontatu eta azarokoan kenduko dutela.

Kenketak honako egoerak direnean aplikatuko dira:

*Eskolak antolatutako irteerak direnean.

*Gutxienez astebete osoa huts egitean, %50eko deskuentoa aplikatuko da, beti ere 48 orduko aurrerapenarekin abisatzen bada.

2.- IGE-KO PARTAIDEEN EUSKARA MAILA:

Euskara, Hizkuntza normalkuntza batzordeko kideak IGEko partaide guztiei inkesta bat betearazi zien.Euskara mailaren egoera jakiteko da inkesta hori.

3.-  GURASOENTZAKO FORMAZIOA.

Ikasturte honi begira, hitzaldiak antolatzekotan gelditu ginen. Guraso kide batek  e.mail bitartez bidalitako informazioa  irakurri du, eta aukeratutako gaia “Komunikazioa familian” izan da.Ostegunetan eskeiniko lituzke hitzaldiak arratsaldeko18:00tik aurrera.

Kultur-etxea librea dagoen edo ez jakiteko gelditu gara. Eguberri aurretik egin nahi da. Baina azkenean urtarrilean egingo da.

4.- HAURRENTZAKO IKASTAROAK.

Aurtengo ikasturtean martxan jarri daitezkeen ikastaroei buruz hitzegin zen. Datorren bilerarako proposamenak ekarzekotan gelditu gera.

5.- BAKETIK ANTZERKIA.

Alegian apirilaren 10ean izango da, “bulling” gaiari buruz antzeztuko dute.LH 5 eta LH6 mailetako ikasleak izango dira antzerki hau ikusi eta landuko dutenak. IGEko partaide batek, aukera izan du antzezlan hau ikusteko Laskorain ikastolan.

Antzerkiak 3 zati ditu:

1.       Lehenengo partean, 2 aktoreak gaur egun jende gazteak bizi ditzazkeen uneak antzezten dituzte.

2.       Gero, ikasle bakoitzak ikusi duenari buruz bere iritzia eman beharra dauka.Ondoren, antzeztutako momento batzuk aukeratzen dira, eta beraiek zer aldatuko luketen antzezten dituzte.

3.       2 taldetan banatzen dira eta arazo horiek nola konpondu hitzegiten dute.

 

DATORREN BILERA ABENDUAREN 12 IZANGO DA 18:00etan.

Guraso Elkartearen bilera, 2013-10-17an

Partaideak: Juani Dávila, Elena Alustiza, Nekane Mujika, Agurtzane Arsuaga, Mirari Beloki,     Mª Jose Izagirre, Iñaki Iturbe, Leire Tello, Rosi Borrachero, Larraitz Rodriguez, Irma Tobar,  Jaione Olano eta Feli Mujika.

ESKOLA KONTSEILUAREN IRAUNKORREKO GAIAK:

1.- ESKOLAK UDALETXEAREKIN EGINDAKO BILERAREN BERRI:

Honako gaiei buruzko informazioa jaso dugu:

-Bizikletak aparkatzeko tokia:  Herrian 48 plaza banatuko dituzte. Eskolarako 10 plaza izango dira. U formako 5 aparkaleku. Estali gabea oraingoz. Bizikleta planaren barruan sartzen da. Jartzen dituztenean Mugikortasunaren inguruan, nahi izango balitz, kanpaina bat aurrera eramateko udaletxeak bere laguntza eskeintzen du. Eskolak klaustroan hitz egingo du kokalekutaz.

Eskolak  kokalekuei buruz gure ekarpenak egiteko eskatu digu eta nahiz eta hainbat eritzi azaldu , zalantzak ere sortu dira, beraz, eskolak erabakitzeko dela esan da.
               -Zabor bilketa: Gelatan orohar ondo moldatzen dira. Hhko patiorako zaborrontzi bat eskatu da, organikoa jasoko duena.
               -Alegiako Plan orokorra: Udalak Plan Orokor baten barruan, hirigintza plana aurrera eraman nahi du, gure herria etorkizunari begira nolakoa den diseña dezakeena.  Azaroa-abendua biartean tailer batzuk egingo dira girotzeko. Eskolarekin zerbait egin daiteke. Proposamena udalak egiten du.
 

2.- LOMCEREN AURKAKO MOBILIZAZIOAK:

Lomceren aurkako konzentrazioa urriaren 22an, arratsaldeko 16:00etan egitea adosten da, aurrez pankarta ikastetxean eskegita egongo da.

 3.- IRAUNKORREKO AKTAK:

Eskolako zuzendaritza berriari ohartarazi iraunkorreko aktak aurretik gurasoei apalean utzi behar zaizkiela edo iturrizahar@gmail.com –era bidali.

Aldi berean, eskolara heltzen den informazio guztia gurasoei pasatzeko eskatu da.

 4.- GURASO ELKARTEKO TRIPTIKOA:

Guraso elkarteak prestatuta duen triptikoa komeniko litzateke HH2 urteko haurren gelan banatzea eta horrekin batera eskolara etortzen diren ikasle berriei ere bai.

GURASO ELKARTETIK ETORRITAKO GAIAK:

1.- IGEtik BAJA EMANDAKO GURASO BATEN ORDEZKAPENA:

             IGEtik baja emandako gurasoaren ordezkoa izendatua izan ondoren, gaur etorri da  guraso berria lehen bilerara.  Baratzataz arduratuko da baja emandako guraso kidea ardura horretan baizegoen.

Ordezkapen gaiarekin lotuta, honako aldaketak izango dira berriro kurtso amaieran:  beste bi guraso kideek  baja emango dute,  beraien haurrak DBHra pasako direlako. Beraz, bi proposamen aztertu dira eta azkenean bigarrena erabaki da.

1)      Ikasturte hasieran (2014ko irailean), ordezko zerrendatik hurrengoa sartzea( 2 urtez egon beharko luke).
2)      Hurrengo hauteskundeetan (2014ko azaroan zerrenda berritik sartu falta diren guraso guztiak: 8  + ordezkotik  1 (Juaniren ordezkoa). Guraso kide kopurua:  7 lehengoak +8 berriak + 1 ordezko zerrendatik =  16 guraso guztira.

2.-FIRMA BILKETA:
         Eskola Publikoaren aldeko Estatu mailako Plataformak “Hezkuntzaren aldeko herritarrentzako kontsulta” martxan jarri du. Bertan jasotako emaitzak gobernu zentraleko lehendakariari emango zaizkio bertan eskatzen dena kontuan izan dezan.
Firma bilketa egiteko tresnak sindikatu baten anagrama darama. Guraso elkarteko anagrama jarrita egin ote daitekeen galdetuko da. Baikaran egingo da kontsulta.

 Baikaratik jasotako erantzuna izan da: gai honetaz nahiko nahasmena dago. Azken aste hauetan Estatu mailan hainbat mobilizazio antolatu dira LOMCE eta murrizketen aurka (sinadura bilketa, 24an greba,manifestazioak...). Ekintza hauek Eskola Publikoaren Aldeko Plataforma batek antolatu du, baina plataforma hau estatu mailan osatu da, eta bertan hainbat sindikatu (CCOO, UGT,CGT,STTE...) ikasleen elkarteak eta Ceapa (Estatutuko Gurasoen Konfederazioa).... eta beste elkarte batzuk parte hartzen dute. Euskadiko gehiengo sindikalek (ELA, LAB, STEE-EILAS) ez dute parte hartzen, euren lan markoa Euskadi dela eta ez Estatua argudiatuz. Horregatik Euskadin kanpaina hori CCOO eta UGT bakarrik bultzatzen ari dira.
Gure kasuan (EHIGE-BAIKARA),nahiz eta CEAPAko kideak ez izan,  zeozer egin behar dela ikusita, berriro plastiko berdea atera dugu eskoletara bidaltzeko eta datorren astean eskola bakoitzan konzentrazioak egiteko.

 

hurrengo bilera:  AZAROAK 14 (osteguna),  arratsaldeko 18:00etan.

 

GURASO ELKARTEAREN BILERA, 2013ko irilaren 23an.

Partaideak: Mª Jose Izagirre, Pili Palomares, Elena Alustiza, Nekane Mujika, Juani Dávila, Feli Mujika, Agurtzane Arsuaga, Irma Tobar, Larraitz Rodriguez, Iñaki Iturbe eta Jaione Olano.

ESKOLA KONTSEILUAREN IRAUNKORREKO GAIAK:

1.- IRAKASLEAK.

Alegiako eskolan dauden irakasleen kopuruak azaldu dira. HHn 6 tutore eta laguntzaile bat, LHn 7 tutore eta 6 espezialista (Gorputz Heziketa, ingelesa, musika, HIPIa, aholkularia eta Pta), erlijioko maisua konpartitua (Berastegi eta Amezketa), logopeda hezitzailea (ez irakaslea), jangela arduraduna eta AKA (administrazio lanak).

2.- LH 6.MAILA.

28 ikasle daude matrikulatuak ( 4 etorkin, 2 errepikatzaile, laguntza beharrekoak….). Ikusita zer nolako gela den, gurasoak, guraso elkarteak eta organo gorenak bikoizketa eskatu zuten gela honetako bereiziki.

Uztailean Donostiatik, Nekane Agirrek 28 ikasleekin jornada erdiko laguntza izango genuela adierazi zuen. Bainan irailean ikasle bat ez da azaldu eta ez dakigu non dagoen. Bere gurasoekin ezin da komunikatu. IGEko partaide batzuk komentatu zuten, ikasle honen lehengusuak esan zuela, ez dela etorriko. Beraz, momentu honetan 27 daude. Zuzendariak  Donostiako Nekane Agirrerekin hitz egingo du egoeraren berri jakiteko.

Ikasle eta familia kopuruari buruzko zerrenda eskatzekotan gelditu gera eskolari.

3.-UDALETXEA.

Eskolak udaletxearekin uztailean egindako bileran argiteria eta berogailuaren aurrezteaz hitz egin zen. Esfortzu bat egingo da. EA21eko ikasturte honetako gaia ENERGIA da. Honekin lotuta argiterian 27 argi kendu dira, toki argitsuenetan ezabatu dira. Ondo badoa horrela jarraituko da eta arazoren bat badago gaia berriz aztertuko da.

HHko berogailuaren erabilera okerra dela eta hausnarketa bat egin zen, EA21etaz baliatuta, berogailua erabili behar den momentuan gelaz gela ikasleek  tenperatura, berogailu iriki-itxi kopurua… neurtuko dituzte txantiloi baten bidez. Emaitzak ikusi ondoren udalarekin elkartuko dira.

4.- IKASLEAK.

2013-2014 ikasturtean 238 ikasle daude eta honela daude banatuak:

HH2       18 ikasle

HH3       28 ikasle

HH4       28 ikasle

HH5       21 ikasle

LH1        24 ikasle

LH2        20 ikasle

LH3        30 ikasle

LH4        23 ikasle

LH5        18 ikasle

LH6        28 ikasle

5.-HJA –Erlijioa   / Erlijioa – HJA.

LH5. Mailatik erlijiotik HJAra aldatzeko 2 eskaera izan dira irailean. Ikuskariaren hitzetan, ebazpenak dion bezala: aldaketak batetik bestera egin daitezke beti idatziz, bai HJAtik erlijiora edo erlijiotik HJAra.

Eskolak AJAn jar dezake aldaketak egiteko epe bat. Hau Organo Gorenak onartu behar du. Ikasturte amaierako zirkularrean ohar gisa agertzea gomendatu du.

6.- PROIEKTUAK.

Eskolak martxan dituen proiektuetan, pertsona hauek parte hartzen dute:
-Kalitatea:  Joseba, Nekane Guerrero.
-HNP:  Nekane Lopez eta Larraitz.
-Ikaskuntza Kooperatiboa:  Iñigo eta Arantza.
-Elkarbizitzan:  Axun eta Iñaki.
-EA21: Jone eta Esther.

7.- ESKOLA KIROLA:

LH2.zikloan( 3-4. Mailak) oso neska gutxi apuntatu dira. Udaletxeko zinegotziekin eta elkartu   zen kirol taldearekin. Gelaz gela animatu ondoren, 8 izatera iritsi dira, honela taldea osatuz.

8.- BIZIKLETA FESTA:

Irailak 21, bizikleta festa ospatu zen. Komentatu zen partaidetza txikia izan zela beste urteekin alderatuz.

9.- KONTSUMOBIDE:

Ikastaro desberdinak azaldu dira gurasoentzat. Irailak 25erako  da izena emateko epea, eta epea gertu dagoenez, ikastetxeari informazioa azkar  pasatzea komeni da.

 Bi gai aukeratu ziren:      

 -Adingabeak eta teknologia berriak.

- Publizitateari aurre egiteko onena hezitzea.

Beste urtetan, honelako hitzaldietan gurasoen partaidetza oso txikia izan ohi da. Komentatzen zen, egiten diren ordutegiak agian ez  direla egokiak. Proposatu zen, galdetzea ordutegia aldatzea badagoen.

 IGEtik etorritako gaiak:

1.- HAURTXOKOA:

IGEko Haurtxoko partaideak haurtxokoari dagokion informazioa ekarri zuen.

Zaintzaileak proposatu zuen ordaintzea egoten den denboraren arabera, horrela pentsatzen du agian jende gehiagok beraien haurrak ekarriko dituztela. Gaur egun, 6€ ordaintzen dira eguneko. Hilabetean 10 egun baino gehiago etortzen denak 60€ ordaintzen ditu, bestela lehen esan bezala 6€ eguneko.
Proposamen desberdinak jarri ziren mahai gainean, bainan erabaki zen Milari informea eskatzea, momentu honetan dauden haur kopurua eta bakoitzak zenbat denbora pasatzen duen.
Baita ere aztertzen da langilearen egoera eta jangelako langileen hitzarmenean sartzea proposatzen da. Aurretik baloratu behar da aurtengo ikasturtean izen emanda dauden ikasle kopuru zehatza zein den eta betetako ordutegiak.

2.- DIRU KONTUAK:

IGEko diruzainak aurkeztu ditu  2012-2013 ikasturteko kontuak  (2012-09-01etik 2013-09-23ra bitartera).

2.- ORDEZKOA:

IGEko partaide baten baja dela eta (ez du seme-alabarik San Juan eskolan ikasten duenik), ordezkoa jarri behar dela batzuk diote, beste batzuk zioten urte bete dela bakarrik eta ez sartzea inor. OGG-Ordezkaritza Organo Gorena edo Eskola Kontseiluan osatzen duten kide kopuru totalaren erdia osatu behar dugu gutxienez eta une honetan 14 guraso gara eta 15ekin osatzen da. Beraz,  azkeneko bozketan osatutako ordezko zerrendatik lehenengo postuan geratu zirenak sartu beharko dutela erabaki da.  Gutako kide batek abisatuko diela geratu da. Berez, urtebete tokatzen zaie,  baina komentatu zen gonbidapena luzatuko  zaiela  4 urtetan egotekoarena.
Iraunkorrekoak eskolako zuzendaritza taldeari jakinaraziko dio hurrengo bileran  ordezkapen honetaz eta guraso berriaren izenak pasako dizkio.

3.- AZKEN OHARRAK:

- Iraunkorreko arduradunek proposatu dute hemendik aurrera bilerak ostegunetan izatea.

- Gurasoentzako formazioa: profesional batzuk aipatu dira eta hurrengo bileran sakonduko dugu.

- Euskarako arduradunak adierazi dizkigu,  joan den ikasturte amaieran,  ikastaroetan parte hartu zuten ikasleei pasatako inkesten emaitzak  (oso inkesta gutxi jaso omen zituzten).
  

hurrengo bilera:  Urriak 17 (osteguna),  arratsaldeko 18:00etan.

ESKOLA FESTAKO (2013-06-15) ARGAZKI BATZUK

 

 

 

Guraso Elkartearen bilera ( 2013-06-11):

Partaideak:  Mª Jose Izagirre, Jesus Loidi, Iñaki Iturbe, Elena Alustiza, Juana Dávila, Nekane Mujika, Pili Palomares, Irma Tobar, Jaione Olano, Mirari Beloki, Tere Vara, Agurtzane Arsuaga eta Feli Mujika.

A-  ESKOLA KONTSEILUAREN IRAUNKORRETIK SORTUTAKO GAIAK:

1.- IKASTURTE AMAIERAKO FESTA.

Egitaraua bihar banatuko du eskolak ikasleen artean.

14:30etan IGEko kideak eskolara etorriko dira. Ordurako ateak zabalik izango ditu Jokinek. Egunerako egin beharrekoak: aldageletako komunak ireki, bi bandeja handiak (rustiderak) eta erratzak prestatu. Balde bat eskatuko zaio Jokini bidoiak uraz betetzeko. Eskailera pare bat ere beharko da kartela jartzeko frontoian.

Puzgarriak 15:30-16:00ak bitartean etorriko dira. Auzoko atetik sartu beharko dute, aurreko jolastokiak autorik sartu gabe. Botikinetik edo musika gelatik hartuko dugu argindarra, eguraldiaren arabera.

Jokini argitzeko, Santosen oroimeneko txapelketako partidurik badagoen eta DBH 4. Mailako ikasleek parte hartuko duten edo ez. 

-DB4. Mailako ikasleei ezezkoa esango zaie, aurten beste era batera antolatu baitugu.

-Santos partiduak goizetik izango dira.   

Larunbaterako eguraldi nahiko ona eman dutenez, bigarren puzgarria eskatuko dugu. . Terek Leireri abisatuko dio bigarren puzgarria eskatzeko eta aurrekontuaren arabera bi puzgarri atzekaldeko patioan jartzea erabaki da.

 Egin beharreko lanak lotu eta zehaztu ditugu denon artean. 

 

 

 

2.- LH6. MAILAKO TALDEAREN BIKOIZKETA ESKAERA:

IGEko zuzendaritza batzordeak idatzia bidali dio Gipuzkoako Ordezkariari.

5. mailako ikasleen gurasoek beste bi idatzi prestatu dituzte, bata Gipuzkoako Ordezkariari zuzendua, beste Konrado Mugertza Langileriaren Kudeaketarako zuzendariari. Gela horretako gurasoak eskolatik idatzia sinatzera pasako dira, ekainaren 10 eta 11 bitartean.

*** Eskolatik  ekaineko azken astean gai honi buruz  jaso dugun oharra honako hau izan da: Plangintza ataleko Nekane Aguirre Arregui arduradunak adierazi duenez, irailean aurreikesten dugun ikasle kopurua gauzatzen bada, hau da, 28 ikasle daudela baieztatzen bada, berraztertuko dute irakasle gehiago (irakasle osoa, erdia edo herena) bidaltzea eskolara.

3.- 2013-2014 IKASTURTEKO ESKOLA EGUTEGIA.

Hezkuntza Sailak onartutako egutegiaren fotokopia eta eskolan moldatutakoa jaso ditu IGEren ordezkariak.

Bien arteko ezberdintasuna: eskolako egutegian 2014ko otsailaren 27a, ostegun gizena, goizez arituko direla, ez goiz eta arratsaldez eredu ofizialean agertzen den modura. Hezkuntza Saileko aplikazio informatikoak goizeko bi jardunaldi berezi onartzen ditu, Gabon eta Aste Santu aurrekoak.

Ikastetxeko ikuskariarekin harremanetan jarri da eskola eta arazorik ez dagoela adierazi dute, baldin eta oharretan idatziz adierazten badute otsailaren 27ko gorabehera.

4.- OOG- ORDEZKARITZA ORGANO GORENAREN BILERA DEIALDIA.

Organo Gorenaren bilera ekainaren 26an, 16:00etan, izango da. Behin behingo gai zerrendaren ale bat jaso du IGEren ordezkariak eta bileran geunden kide guztiek kopia bana jaso dugu. Garrantziskoa dela bilera honetan gurasoon parte hartzea azaldu da.

5.- IUPren TXOSTEN EDO MEMORIA.

IGEren atala ekainaren 25erako betetzekotan geratu gara. Zirriborro bat prestatuta dago baina  jarduera batzuk falta dira. Agurtzanek zirriborroa emailez denoi bidaltzeko geratu da, nahi duenak bere ekarpenak eman ditzan.

Eskolak  2012-2013 ikasturteko memoriaren ale bat utziko du IGErentzat.

6.-2013-2017 ALDIRAKO ILDO ESTRATEGIKOAK.

Bozketaren emaitzak:

* IKASLEAK: 131 boto

* METODOLOGIA:  60 boto

* IRAKASLEAK:  56 boto

* HIZKUNTZA NORMALKUNTZA  27 boto

* PARTAIDETZA:  16 boto

* BESTE ERAKUNDEAK:  1

Hartutako erabakiari forma eman behar dio eskolak datorren Organo Gorenaren bilerarako.

 7.- KONSUMOBIDE TAILERRAK.

Ekainaren 17, 18 eta 19an, Lehen Hezkuntzako maila guztiek Konsumobidek antolatutako tailerretan hartuko dute parte.

Gaiak:

- Elikagaien elaborazioa eta ehungintza (1. zikloa).

- Ura: kontsumoa eta aurreztea; Fruta eta barazkiak (2. zikloa).

- Segurtasuna; ura: kontsumoa eta aurreztea (3. zikloa).

Gurasoentzat hitzaldia: ekainak 17, 14:30etan.

Gaia: ADINGABEAK ETA SAKELEKO TELEFONOA.

Hitzaldirako gutxieneko parte hartzaileak:  10.

 

B.- GURASO ELKARTETIK ATERATAKO GAIAK.

1.-GURASOEN ELKARTEAK JOKINI EGINGO DION AGURRA.

IGEko partaide bat geratu da jaidaldian izango diren irakasleren bati abisatzeko agurra eta opari bat eskeini behar diogula Jokini eta zein momentutan egitea izango den egokiena (bukaeran).  

2.- ALEGIAKO FESTAK (HAURRENTZAKO JARDUERAK):

Alegiako festetan haurrentzako jarduera batzutan laguntzeko IGEtik guraso boluntarioak zehaztu ditugu. Egun hauetan eta lan hauek egiteko laguntza beharko da:

-Uztailak 12 (ostirala):  16:00etan plazan. haurrak eskolan egin dituzten festa irudiko marrazkiak zintzilik jartzea. 

- Uztailak 15 (astelehena): Hamaiketakoa, jokuak, bazkaria,  15:30etan Play bac (azken hau partehartzaile kopuruaren arabera egingo da).

Bazkaria zerbitzatzeko guraso laguntzaile boluntarioak eskatuko dira ohar baten bidez.

 

3.  BAKETIK HITZALDIAK:

Teatro Forum Proiektoaz guraso kide batek informazioa ematen du.

Eskolan datorren ikasturtean gauzatuko da Baketik eskutik.

Helburua:  Eskola eremuan balore etikoak bultzatzea.

Proposatutako gaia: eskolan ematen diren jazarpen eta indarkeri jokaeren prebentzioa.

8-13 urte bitarteko haurrek parte har dezakete. Kopurua: 50 gehienez. 4 orduko saioak izango dira. 

 HURRENGO BILERA EGUNA : IRAILAK 23 , ASTELEHENA,  ARRATSALDEKO 18:00ETAN.

 

 

akta bilera 2013/05/20

Partaideak: Irma Tobar, Agurtzane Arsuaga, Pili Palomares, Jexux Loidi, Elena Alustiza, Nekane Mujika, Iñaki Iturbe, Mª Jose Izagirre, Leire Tello, Larraitz Rodriguez, Feli Mujika eta Jaione Olano.

A-ESKOLA KONTSEILUAREN IRAUNKORRETIK SORTUTAKO GAIAK.

1.-2013-2014 IKASTURTERAKO ZUZENDARITZA TALDEA.

Datorren urterako zuzendaritza taldea Joseba Garaikoetxea (zuzendaria), Jone Guerreo eta Nekane Guerrerok osatuko dute.

2.- EGUTEGIA 2013-2014.

2013-2014 ikasturteari dagokion egutegiaren proposamena jasotzen da.IGE-ko partaideak ikusiko degu eta onartua gelditzen da.

3.-GREBA DEIALDIA MAIATZAREN 30erako.

Maiatzaren 30ean irakasle taldeak greba deialdiarekin bat egitea erabaki du.Beraz, ez da klaserik izango.

4.- ILDO ESTRATEGIKOAK.

Ikastetxearen proiektu estrategikoaren  orria eta bozketarako taulen fotokopia banatu dute IGE-koen atean.

Bakoitzak bere lehentasunak finkatuko ditu 3 aukerak eginez. Lehen aukerari 5 puntu emango zaizkie, bigarrenari 3 puntu eta hirugarrenari puntu bat.

5.- ERABILITAKO ARROPA BILTZEKO KANPAINA.

Erabilitako arropa biltzeko kanpaina martxan jarri da, SOS Afrika Gobernuz Kanpoko Erakundeak bultzatutako kanpaina bat da. Eta eskolak parte hartzea erabaki du. Etxean,  erabiltzen ez degun erropa ekarriko beharko da eskolara.4Eskola berak kudeatuko kanpaina hau.

6.- IKASTURTE AMAIERAKO FESTA.

Ikasturt amaierako festa ekainaren 15ean izango da, larunbata.

Urtero bezala, emanaldia arratsaldeko 16:00etan hasiko da. Ondoren,jolastokian merienda partituko da.

Lanen banaketa egin da IGE-ko partaideen artean. 14:30etan geratzen gera eskolan fest egunean.

Ondoren, puzgarriak eta jolasak jarriko dira jolastokian.

Beste gai bat ere pendiente gelditzen da, 6.mailakoak zerbait egin behar duten lehengo urtean bezala. Hau da, futbol partida jokatu haur eta gurasoen aurka.Partidaren ondoren hamaiketakoa izan zuten. Hau dena IGE-k antolatu zuten.

Mª Josek komentatu du bilera bat dutela gai honi buruz hitzegiteko.

Festa bukatzean, dena jasota utzi beharra dago eta txukun.

Iluntzeko 20:00etan zahagi ardoa dago. Janaria bakoitzak ekarri beharko du eta udaletxeak ardoa jarriko du.

7.- ALDABAKO ESKOLA GARRAIOA.

Momentuz azken erabakiarekin, Hezkuntza Saileko arduradunen berririk ez dago. Gai hau berrikusten ari dira. Hasiera batean, 2013-2014urteko ikasturteari begira, garraio zerbitzua kendu egingo zitzaiola esan zitzaion eskolari. Bainan gero 2 eskaintza egin zituen:

-          Haurra DBHkoekin eskolara etorri eta Haur Txokoan eduki 9:00 arte.Astelehena, asteartea eta ostegunean garraioa izango luke etxera joateko.

-          Beste aukera zen: Hezkuntza Saila kilometroko diru kopuru bat ordaintzeko prest dago, haurra etxeko ibilgailuan ekartzen badute.

8.- ESKOLA KONTSEILUA.

Eskola Kontseiluaren bilera ekainaren 26ean izango da16:00etan.

IGE-ren partetik ez dago bilera honetarako inongo proposamenik.

B.- IGE-tik ATERATAKO GAIAK.

Partaide batek komentatzen du, eskola publikoari dagokion urteroko festa orain dela, eta ez dela autobusarik antolatzen, eta ez dugula parte hartzen. Gainera,ikusita egiten ari diren murrizketak eta denori afektatzen digula eta indar gehiago egin beharko genukela momentu honetan.Gure umeak eskola publikoan ikasten dute eta gu ere bertako partaideak gera.

Aurtengo festarako ez dago denborarik zerbait egiteko,  datorren urteari begira egin beharko da zerbait.

Proposamena datorren urterako antolatzeko IUPA-n jartzea komentatu da.

Datorren bilera, ekainaren 11ean gelditu gera arratsaldeko 18:00etan.

MADIBER MAGOA

ANTOLATZAILEA:  ITURRI ZAHAR GURASO ELKARTEA

MADIBER:   MAGIA ETA DIBERTSIOA !

NOIZ:  Ostirala, Maiatzak 17               Ordua:  17:00etan

NON:  Alegiako Kultur etxean

GURASO ELKARTEAREN BILERA (2013-04-30):

Partaideak:  Mirari Beloki, Tere Vara, Agurtzane Arsuaga, Jesus Loidi, Mª Jose Izagirre, Iñaki Iturbe, Leire Tello, Larraitz Rodriguez, Nekane Mujika eta Feli Mujika.

A-  ESKOLA KONTSEILUAREN IRAUNKORRETIK SORTUTAKO GAIAK:

1.- LOMCEren INGURUKO INFORMAZIOA.

LOMCEri buruzko hiru sindikatuen azalpena izan zuten irakasleek. Sindikatuen ordezkariek IGEri informazioa emateko prestutasuna adierazi zuten, IGEko ordezkariek interesgarri ikusten badute.

Joan den astean, apirilaren 23an,  gurasoei zuzendutako LOMCEri buruzko hitzaldi informatiboa izan zen eta  IGEko ordezkari batzuk bertan izan ziren. 

2.- ILDO ESTRATEGIKOAK:

Eskolak, 2009ko maiatzean, hurrengo lau urtealdirako (2009-2013), lerro estrategikoak zehaztu zituen. Bi goizeko saioetan, irakasle, guraso eta zerbitzuetako ordezkariek hartu zuten parte. Lau urteko aldia bukatzear dagoenez, hurrengo lau urtealdirako ildoak adosteko prozesua martxan jarri beharko dugu ikasturtea amaitu baino lehen. IGEra pasatzen da, 2009-2013 lau urtealdirako Ildo estrategikoak dokumentua eta adosteko jarraitutako urratsak.

Ildo estrategikoen bilerak maiatzean egingo dira, goizez, eta egunak zehaztu gabe daude. IGEtik gutxienez bi guraso behar dira. Azkenean bilera horietara 3 guraso  joateko geratu dira. 

3.- IKASTURTE AMAIERAKO FESTA.

Ekainaren 15erako udal lokalen erabilerarako eskaera orria aurkeztu du Eskolak kultur etxean.

Egun horretan,  kantaldiaren ostean,  IGEk merienda eta jolasak eskeintzen ditu eskolako patioan:  haurrentzako ogitartekoa eta freskagarria  eta gurasoentzako sagardoa. Hurrengo bileran meriendarako erosi beharreko osagaiak eta kantitateak zehaztuko ditugu.

Iazko amaierako festan, goizez,  LH6. mailako ikasleei ekintza berezi bat eskeini zitzaien: partiduak beren gurasoekin eta bukaeran hamaiketakoa  (Patxik -  Josebak antolatu zuten ). Baina aurtengo  6. Mailako taldean  mutilak ez daude eskola kirolean sartuta eta beraientzako kirol jarduerak antolatzea kontraesanahi bat da, nahiz eta neska batzuk badabiltzen baina zerbait egiteko oso gutxi dira.  Horregatik kirol jarduerak ez dira egingo eta beste zerbait antolatzeko gelako ikasleen gurasoen inplikazioa beharko litzatekeela esaten da eta ez da ezer erabaki.

Bestalde,  merienda  eta gero, haurrentzako jokuak eta  tailerrak antolatu ohi dira.  Guraso batzuk proposatzen dute zerbait desberdin egitea, hau da, jarduera mota desberdinak. Gainera propaganda jaso dugu animazio etxe batzuretatik. Adibidez, puzgarriak, koltxonetak, joku kooperatiboak etabar… Guraso kide bat arduratu da etxe horietako batetara deitzeko eta informazioa pasako digu. Eguraldi txarrarekin tresna guzti horiek non jarri  lotuta utzi beharko litzateke. 

4.- IRTEERAK.

Eskolak IGEri pasa dio 3. Hiruhileko irteeren laburpen orria. Aktari eransten zaio.

5.- EBALUAZIO DIAGNOSTIKOA.

4. mailakoek e-diagnostiko proba hiruhileko honetan pasako dute.

ISEI-IVEIk prestatutako probak, bi goizetan osatuko dituzte, aurten lehen aldiz, ordenagailuz. Lehen goizean, Gaztelania (entzumena eta irakurmena), Matematika eta Mixtoa (Ikasten ikasi, ikasleen %50ak, Idazmena euskaraz, ikasleen %25ak, eta Idazmena gaztelaniaz, ikasleen %25ak) egingo dituzte. Bigarren goizean, Euskara (entzumena eta irakurmena), Zientzia-Gizarterako konpetentzia eta ikasleentzako galde-sorta egingo dute.

 

6.-MATRIKULA BERRIA.

2013-2014 ikasturterako, HH 2 urteko gelarako beste izen emate eskaera berri bat jaso dugu, hemezortzigarrena.

Eskolari galdetzeko geratu gara aurreko ikasturtean bezala, aurten,  hurrengo kurtsoari begira ez al dugun Delegaritzaren aurrean proposamenik edo eskaerarik egin behar.

7.- LIBURUAREN EGUNA.

Apirilaren 23an, asteartea, liburuaren eguna ospatu zen Eskolan. Horretarako, ikasleen gurasoei liburu/ipuina irakurtzera etortzeko gonbidapena zabaldu zitzaien. Hamabi bat gurasok parte hartu zuten.

Bestalde, atzerritik etorritako hainbat ikaslek ere ipuina irakurri zieten ikasle txikiagoei. 

B.- GURASO ELKARTETIK ATERATAKO GAIAK.

 1.-HAURRENTZAKO IKUSKIZUNA.

Urtero bezala, maiatzean haurrentzako magiako emankizuna eskeiniko dugu.  Lehenengo, Kultur etxekoekin zehaztuko da eguna eta ordua eta ondoren zein Magoa ekarri  erabakiko dugu. Guraso kide batek zerrenda bat lortu du.

2.- ALDABAKO FAMILIA BATI GARRAIOA KENDUKO DIOTE.

IGEko ordezkari batek Aldabako guraso baten deia jaso du. Eskolatik  deitu diotela esanez hurrengo ikasturteari begira, garraioa ez duela izango, Delegaritzatik esandakoa. Momentu honetan, Aldabatik, haur bat jeisten da, eta beste bat dago, DBHra jeisten dena.  Guraso honek IGEra jo du laguntza eske, borroka denon artean egin dezagun.

Gai honekin aurrera egiteko Delegaritzak emandako arrazoiak jakin behar ditugu,  eta   eskolari galdetzeko geratu gara. Eta erreklamaziorako epeak ote dauden.

3.  GURASOENTZAKO HITZALDIA (BALORAZIOA):

Martxoaren 21ean burutu zen gurasoentzako zuzendutako hitzaldia: “Beldurrak haurtzaroan”. Balorazioa positiboa izan da baina edukien aldetik eskasa, gehiago espero zuten hitzaldian parte hartutako gurasoek.  Beraz, Hizlari berrien proposamenak  aurkeztu beharko ditugu.

Guraso kide batek  aipatzen du Goierriko ikastetxe batean profesional batek gurasoei zuzendutako  hitzaldiak eman dituela arrakasta haundiarekin.  Ea hurrengo bilerarako bere izena lortzen duen.  

4.- ARARTEKO RESOLUZIOA WIFI-RI BURUZ:

Guraso kide batek, Ararteko ebazpena aipatu du eta wifi konexio sistemak sortzen duen kutsadura elektromagnetikoarengatik eta haurrengan sor ditzakeen kalteengatik kezka azaldu du.  

Arartekoaren 2013ko apirilaren 4ko ebazpena. Horren bidez, Hezkuntza Sailari gomendatzen zaio Eskola 2.0 hezkuntza programara sartzeko baldintzak berrikus ditzan eta programa hori garatzeko irrati-maiztasunen igorpen-mailak murrizteko aukera eskaintzen duten neurriak ezar ditzan.

Kutsadura elektromagnetikoaren kontrolak (neurketak) egin beharko liratekeela adierazi da (gai honi buruz eskolarekin hitz egiteko geratu gara).

5.- GURASO BATEN KONTSULTA, HAUTSITAKO BETAURREKOEI BURUZ.

Bost urteko ikasle bati betaurrekoak hirugarren aldiz hautsi zaizkio. Ama, eskolara jo du lehenengo eta orain Guraso Elkartearen laguntza eskatu du.

Hezkuntza Sailak ez dauka horrelako asegururik. Familiak erreklamazio bat aurkeztu du eskolako idatzi batekin batera eta Gasteizko Hezkuntzako arduradunek erantzungo diote.

Aipatu da Optika dendatan aseguruak egiten dituztela.

Guraso Elkarteak momentuz ez du esku hartuko gai honetan. 

6.- JANGELAKO KUOTETAN KENKETAK NOIZ APLIKATZEN DIREN:

Jangelako guraso kide arduraduna enteratu da jangelako arduradunari galdetuz zein kasutan aplikatzen dituzten kenketak jangelako kuotetan. Orokorrean hauek dira:

-         3 egun baino gehiago faltatu ezkero, aurrez abisatuta.

-         Eskolak antolatutako irteera guztietan.

 7- PATIOKO KOMUNAK ZAINDU BEHARRA.

Arratsaldeetan,  eskola ixten denean, 16:00etatik aurrera, patioko komunak irekitzen dira arratsaldeko partean bertan jolasten gelditzen diren haurrak erabili ahal izateko. Baina haurrek ez dituzte errespetatzen (jolastoki bezala hartzen dituzte eta ureztatu, lokaztu, trabatu... ) eta gurasoak ez dira arduratzen. Beraz, zer egin ?   Ohar bat bidaltzea etxeetara erabaki da. Lehendik ere arazo berdinaren aurrean oharra bidali zen etxeetara eta efektu ona egin zuen.

8.- HAURRENTZAKO IKASTAROAK (jarraipena):

- Martxan dauden bi ikastaroen Kuotak ez dira pasa oraindik.

-Txontxongiloaren ikastaroaren kuota: 30 € -tan zehaztu da.

-Beste familia bat dago bere 3 seme-alabak  txontxongilo ikastaroan izena emanda, beraz, familia honi ere 2  kuota kobratuko zaizkio, 3 ordez. Momentuz 2 familia daude  kenketa berezi honekin.

 

9.- ALEGIAKO FESTETAKO LAGUNTZA:

Guraso kide batek dierazten digu, Festa Batzordeak Guraso Elkarteari laguntza eskatzen diola festetako ekintza batzuk antolatzeko. Eskolako guraso guztien artean boluntarioak eskatzen dira. Eguna: Uztailak 15 (astelehena). Ekintzak: marrazkiak zintzilikatzea, altxorraren bila jokua, bazkaria zerbitzatzeko, tailerrak eta jolasak….  Hurrengo bileran zehaztuko da.

10.- 2012-2013 IKASTURTEKO PLANGINTZAREN MEMORIA.

2012-2013 Ikasturteko plangintzaren memoria maiatzak 15erako osatu eta eskolari pasatzeko geratu gara.

 

HURRENGO BILERA EGUNA : MAIATZAK 20, ASTELEHENA,  ARRATSALDEKO 18:00ETAN.